នាវាទេសចរណ៍បរទេស ដឹកភ្ញៀវទេសចរចម្រុះជាតិសាសន៍ជិត២ពាន់នាក់ ចូលចតនៅកំពង់ផែក្រុងព្រះសីហនុ
ខេត្តព្រះសីហនុ៖ នៅព្រឹកថ្ងៃទី១៣ ខែធ្នូ ឆ្នាំ២០១៩នេះ មាននាវាទេសចរណ៍បរទេសមួយគ្រឿង បានដឹកភ្ញៀវទេសចរចម្រុះជាតិសាសន៍ចំនួន១៩៧៧នាក់ បានចូលចតនៅកំពង់ផែនេះក្នុងដំណើរកម្សាន្តចូលមកកាន់ប្រទេសកម្ពុជា រយៈពេលមួយថ្ងៃ។
នាវាទេសចរណ៍នេះ បានចូលចតនៅកំពង់ផែក្រុងព្រះសីហនុ នៅម៉ោងប្រមាណ ៦ព្រឹកថ្ងៃសុក្រ ទី១៣ ខែធ្នូ ឆ្នាំ២០១៩។
នាវាទេសចរណ៍ខាងលើនេះ មានកងនាវិកចំនួន៨៤៦នាក់ ដោយធ្វើដំណើរចេញពីប្រទេសវៀតណាម ចូលមកកាន់ប្រទេសកម្ពុជា។ នាវានេះនឹងចាកចេញពីកម្ពុជា ឆ្ពោះទៅកាន់ប្រទេសថៃ នៅវេលាម៉ោង៤ល្ងាចថ្ងៃទី១៣ ខែធ្នូ ឆ្នាំ២០១៩នេះ៕
