ឧត្តមក្រុមប្រឹក្សា ចុះទៅខេត្តកណ្ដាល តបតាមពាក្យបណ្ដឹងពលរដ្ឋ ជាង២០០គ្រួសារ

កណ្ដាល៖ នៅថ្ងៃទី ១៥ ខែធ្នូ ឆ្នាំ ២០១៩ នេះសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ បានចុះទៅខេត្តកណ្ដាល តបតាមពាក្យបណ្ដឹង ពលរដ្ឋ ជាង២០០គ្រួសារ ដែលពួកគាត់បានស្រែករកយុត្តិធម៌ចំពោះ ដីរបស់គាត់ ដែលបានទិញព្រីក្រុមហ៊ុន ជេម ខេម មានអាជ្ញាធរទទួលស្គាល់ មានលិខិតគតិយុត្តិត្រឹមត្រូវ តែបែរជាដីនោះ មានអ្នកដទៃជាជំទាវឧកញ៉ា គ្រប់គ្រងទៅវិញ។

លោក សុខសុវណ្ណ វឌ្ឍនាសាប៊ុង ប្រធានគណបក្សខ្មែរក្រោក បានឲ្យដឹងថា ប្រជាពលរដ្ឋពួកគាត់បានត្រឹមក្រដាស ជាពិសេសអាជ្ញាធរដែល​ស៊ីញ៉េបោះត្រាទទួលស្គាល់ គឺមិនទទួលខុសត្រូវនោះទេ ។

ករណីនេះយើងខ្ញុំធ្លាប់បានរៀបចំ របាយការណ៍ដាក់ជូនប្រមុខរដ្ឋាភិបាល ម្ដងហើយ តែដោយសារពុំទាន់មានលទ្ធផល ទើបពលរដ្ឋ បានដាក់ពាក្យស្នើសុំឲ្យចុះសិក្សាម្ដងទៀត ៕