បុរសម្នាក់ សង្ស័យគេធ្វើឃាត រួចច្រកចូលក្នុងស្បោងប្លាស្ទិក
ភ្នំពេញ ៖ សាកសពបុរសម្នាក់ ត្រូវបានប្រជាពលរដ្ឋប្រទះឃើញឡើងស្អុយ ដែលសង្ស័យឃាតករធ្វើឃាត រួចច្រកចូលក្នុងស្បោងប្លាស្ទិក យកទៅបោះចោល កាលពីវេលាម៉ោង ១៧និង០០នាទី ថ្ងៃទី២៧ ខែមករា ឆ្នាំ២០២០ នៅខាងជើងផ្លូវបេតុង ឡុងឈិន ចំហៀងខាងកើត ជាប់មាត់បឹងភូមិ ផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
តាមរបាយការណ៍នគរបាលមូលដ្ឋាន បានឲ្យដឹងថា សាកសពពុំស្គាល់ឈ្មោះ និងទីលំនៅ ភេទប្រុស សពឡើងស្អុយរលួយជាប់សាច់ខ្លះ ជនរងគ្រោះចងក ដៃទាំងពីរដោយខ្សែជ័ររ៉ូតមកក្រោយ ជើងទាំងពីរបត់អង្កុញមកមុខរុំស្កុតចំនួន៩ជុំ បាត់ក្បាលដាក់ក្នុងថង់ប្លាស្ទិកចងក្របួចមាត់ ដោយខ្សែជ័ររ៉ូតនិងរុំស្កុតចំនួនបីជុំ រួច ដាក់ក្នុងបាវក្រចៅ។
តាមប្រភពព័ត៌មានពីឈ្មោះ យឹម ប៊ុនថន ភេទប្រុស អាយុ៨០ ឆ្នាំ ជាមេភូមិ បានឲ្យដឹងថា នៅវេលាម៉ោងកើតហេតុខាងលើ គាត់កំពុង អង្គុយនៅផ្ទះ ស្រាប់តែឈ្មោះ ប្រាក់ ឃាង ភេទប្រុស អាយុ៤០ឆ្នាំ មកប្រាប់គាត់ថា ពូមានសាកសពមួយនៅផ្លូវបេតុងឡុងឈិន ។ ភ្លាមនោះ គាត់ក៏ទៅមើល ឃើញមានសាកសពដាក់នៅក្នុងថង់ឡើងស្អុយរលួយខ្ចប់ក្នុងស្បោងផ្លាស្ទិចនិងបាវក្រចៅពីខាងក្រៅ រួចខ្ញុំក៏រាយការណ៍ ប្រាប់សមត្ថកិច្ចតែម្តង។
សមត្ថកិច្ចបានសន្និដ្ឋាន ៖ ជនរងគ្រោះស្លាប់ដោយកាត់ដាច់ក។
បច្ចុប្បន្ន សាកសពជនរងគ្រោះ ប្រគល់យកទៅទុកនៅវត្តស្ទឹងមានជ័យ ដើម្បីស្រាវជ្រាវបន្ត ៕
