ធ្វើខួបកំណើតហេីយ បើកឡានដូចហោះ ជួបគ្រោះថ្នាក់ក្រឡាប់ស្លាប់ម្នាក់របួសធ្ងន់ម្នាក់
ភ្នំពេញ៖បុរសម្នាក់ជាជាងឡានវ័យក្មេងម្នាក់បានស្លាប់ និងស្ត្រីម្នាក់របួសធ្ងន់ ខណៈបុរសអ្នកបេីកបរនិងនារីម្នាក់ទៀតរបួសស្រាល ក្នុងឧបទ្ទវហេតុគ្រោះថ្នាក់ចរាចរណ៍ដ៏រន្ធត់មួយ នៅលេីកំណាត់ផ្លូវ៦០ម៉ែត្រជិតផ្លូវបេតុង(ក្រោយផ្សារក្រមួន) ក្នុងសង្កាត់ចាក់អង្រែក្រោម ខណ្ឌមានជ័យ កាលពីរំលងអាធ្រាត្រចូលថ្ងៃទី៣ ខែកុម្ភៈ ២០២០នេះ។
គ្រោះថ្នាក់ចរាចរណ៍បង្កឡេីងដោយរថយន្ត LEXUS GS300 ស៊េរីទំនេីបពាក់ផ្លាកលេខភ្នំពេញ 2BC-6479 បេីកបោះពួយក្នុងល្បឿនលឿន ស្រាប់តែផ្ទុះបែកកង់មុខ ធ្វេីឲ្យរេចង្កូតទៅបុកបង្គោលភ្លើងបំភ្លឺផ្លូវពេញទំហឹង បាក់ទ្រេតរបេីកទាំងគល់ហេីយខ្ទាតបេីងរថយន្តក្រឡាប់ផ្កាប់ផ្ងារជាច្រេីនជុំផ្ទុះពោងសុវត្ថិភាពទាំងអស់ដាច់ទាំងកង់រថយន្តរងការខូចខាតខ្ទេចយ៉ាងដំណំ៕
