នគរបាលស្រុកភ្នំព្រឹក បង្រ្កាបល្បែងភ្នាល់ជល់មាន់
បាត់ដំបង៖នគរបាលស្រុកភ្នំព្រឹកបង្រ្កាបល្បែងភ្នាល់(ជល់មាន់)មួយកន្លែងឃាត់ខ្លួនអ្នកប្រព្រឹត្តិចំនួន០៥នាក់ធ្វេីការអបរំនិងកិច្ចសន្យាបញ្ឈប់នៅមូលដ្ឋាន។
កាលពីថ្ងៃអាទិត្យ ៩កេីត ខែមាឃ ឆ្នាំកុរឯកស័ក ព.ស.២៥៦៣ ត្រូវនឹងថ្ងៃទី០២ ខែកុម្ភះឆ្នាំ២០២០ អនុវត្តតាមមតិណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបងលោកវរសេនីយ៍ទោ សារ៉េត វិសេដ្ឋ អធិការនគរបាលស្រុកភ្នំព្រឹក ដឹកនាំបញ្ជាកម្លាំងជំនាញនៃអធិការដ្ឋាននគរបាលស្រុកភ្នំព្រឹកសហការជាមួយកម្លាំងប៉ុស្តិ៍នគរបាលរដ្ឋបាលបារាំងធ្លាក់បានធ្វើការចុះបង្រ្កាបទីតាំងជល់មាន់ភ្នាល់ដាក់ប្រាក់មួយកន្លែងនៅចំណុចបង្កាំផ្អែមស្ថិតក្នុងភូមិទួលខ្វាវឃុំបារាំងធ្លាក់ស្រុកភ្នំព្រឹកខេត្តបាត់ដំបងកាលពីវេលាម៉ោង១៤និង៤៥នាទីរសៀលដោយក្នុងនោះបានធ្វើការឃាត់ខ្លួនអ្នកប្រព្រឹត្តិបានចំនួន០៥នាក់ភេទប្រុសព្រមទាំងដកហូតវត្ថុតាងរួមមាន៖មាន់ជល់ចំនួន០២ក្បាលម៉ូតូចំនួន១០គ្រឿង
សង្វៀនសម្រាប់ជល់មាន់ចំនួន០២ជញ្ជីងសម្រាប់ថ្លឹងមាន់ចំនួន០១។
អ្នកប្រព្រឹត្តិបានធ្វើកំណត់ហេតុសាកសួរ ធ្វេីការអប់រំណែនាំនិងធ្វើកិច្ចសន្យាឈប់ប្រព្រឹត្តល្បែងភ្នាល់នេះជាបន្តទៀតហេីយបានអោយវិលត្រឡប់ទៅលំនៅដ្ឋានវិញ៕
