មន្ទីរសាធារណការ និងដឹកជញ្ជូនខេត្ត ព្រះវិហារ បង្ហាញពីសសកម្មភាពការងារនៃការកាត់ជួសជុល ផ្លូវជាតិលេខ៦២ ដើម្បីសម្រួលចរាចរណ៍ជូនប្រជាពលរដ្ឋ
ខេត្តព្រះវិហារ៖ អនុវត្តតាមការណែនាំពីលោកស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការនិងដឹកជញ្ជូន និងលោក ប្រាក់ សុវណ្ណ អភិបាល នៃគណៈអភិបាលខេត្តព្រះវិហារ មន្ទីរសាធារណការនិងដឹកជញ្ជូនខេត្តព្រះវិហារ បានបន្តធ្វើសក្មភាពនៃការកាត់ជួសជុល ផ្លូវជាតិលេខ៦២ ដើម្បីសម្រួលចរាចរណ៍ជូនប្រជាពលរដ្ឋបានធ្វើដំណើរប្រកបដោយសុវត្ថិភាព និងលឿនរហ័សទាន់ចិត្ត ។
លោកសំ លាងទ្រីប្រធានមន្ទីរសាធារណការនិងដឹកជញ្ជូនខេត្តព្រះវិហារ បានបញ្ជាក់អោយដឹងកាលពី ថ្ងៃទី០៣ កុម្ភៈ ២០២០នេះថា នៅខណៈនេះ មន្ទីរសាធារណការ និងដឹកជញ្ជូនខេត្តព្រះវិហារ នៅតែបន្តសក្មភាពការងារថែទាំ និងជួសជុលផ្លូវថ្នល់ តាមតំបន់នានា ក្នុងភូមិសាស្ត្រខេត្តព្រះវិហារ យ៉ាងមមាញឹក ដេីម្បីអោយពុកម៉ែ បងប្អូន ប្រជាពលរដ្ឋធ្វើដំណើរប្រកបដោយសុវត្ថិភាព និងបានលឿនរហ័សទាន់ចិត្ត ក្នុងនោះ បាននឹងកំពុងធ្វើសកម្មភាពការងារ ដោយកាត់និងជួសជុល ផ្លូវជាតិលេខ៦២ ខេត្តព្រះវិហារ ចន្លោះ គីឡូម៉ែត្រ ១៧៣+000 ដល់ គីឡូម៉ែត្រ ១៧៤+000 និងនៅចន្លោះ គីឡូម៉ែត្រ ១៧៩+000 ដល់ គីឡូម៉ែត្រ១៨០+២០០ ដែលមានប្រវែងសរុប ២២០០ម៉ែត្រ។ នៅថ្ងៃទី០៣ កុម្ភៈនេះ បានបាញ់ស្រទាប់ ថ្ម១៩មីលីម៉ែត្រ ហើយការងារទាំងនេះ អនុវត្តដោយ មន្ទីរសាធារណការ និងដឹកជញ្ជូនខេត្តព្រះវិហារ៕