ភ្លើងធូបបង្កជាអគ្គិភ័យឆេះផ្ទះអស់២ខ្នង
ខេត្តសៀមរាប ៖ ថ្ងៃពុធ៤កើតខែផល្គុនឆ្នាំកុរឯកស័កព.ស. ២៥៦៣ត្រូវនឹងថ្ងៃទី២៦ខែកុម្ភៈឆ្នាំ២០២០វេលាម៉ោង១០:៣០នាទីរលត់ទៅវិញនៅវេលាម៉ោង១២:៤០នាទីមានករណីអគ្គិភ័យភ្លើងឆេះផ្ទះចំនួន ០២ ខ្នងនៅភូមិរំដេងឃុំត្រាំសសរស្រុកស្រីស្នំខេត្តសៀមរាប។
ម្ចាស់ផ្ទះទី១: ឈ្មោះអឿឡោះភេទ ប្រុស អាយុ ៤៦ ឆ្នាំមុខរបរធ្វើស្រែរស់នៅភូមិឃុំកើតហេតុខាងលើ។
បណ្តាលអោយរងការខូចខាត: ផ្ទះឈើ១ខ្នងកម្ពស់២ជាន់ថ្មក្រោមមានទំហំ៧.៧៥ម៉ែត្រx ៩.១០ម៉ែត្រប្រក់ក្បឿងឆេះទាំងស្រុង។គោយន្តកន្ត្រៃចំនួន ០១ គ្រឿងប្រាក់ ២៥០.០០០បាត (ពីររយហាសិបពាន់បាត) ស្រូវចំនួន២០ ការ៉ុងមាសចំនួន ០៥តម្លឹង (ប្រាំតម្លឹង) ប៉ុន្តែបានរក
ឃើញមកវិញជិតពាក់កណ្ដាលនិងសំភារះប្រើប្រាស់ក្នុងផ្ទះខូចខាតទាំងស្រុង។
ម្ចាស់ផ្ទះទី២: ឈ្មោះ ឡាក់រុើនភេទ ប្រុសអាយុ ៤៩ ឆ្នាំរស់នៅភូមិឃុំកើតហេតុខាងលើ។បណ្តាលអោយរងការខូចខាត: ផ្ទះឈើ ១ខ្នងមានទំហំ៧ម៉ែត្រx៨ម៉ែត្រប្រក់ស័ង្កសីជញ្ជាំងក្ដារ។ត្រូវបានភ្លើងឆេះឆ្លងមកពីផ្ទះកើតហេតុខាងលើប៉ុន្តែត្រូវបានបងប្អូនប្រជាពលរដ្ឋក្នុងភូមិជួយបាចនិងបាញ់ទឹកតាមម៉ូទ័រពន្លត់ទាន់ពេលវេលាមិនបណ្ដាលឲ្យមានការខូចខាតទ្រព្យសម្បត្តិអ្វីឡើយ។
អន្តរាគមន៍ពន្លត់: មិនបានប្រើប្រាស់រថយន្តពន្លត់អគ្គិភ័យគ្រឿងដោយសារផ្លូវលំតូចចង្អៀតនិងខូចខាតទ្រុឌទ្រោមខ្លាំងរថយន្តពន្លត់អគ្គិភ័យមិនអាចចូលអន្តរាគមន៍ដល់។ពីអធិការដ្ឋាននគរបាលស្រុកស្រីស្នំទៅកន្លែងកើតហេតុមានចម្ងាយ១៩ គីឡូម៉ែត្រ។
ករណីអគ្គិភ័យខាងលើនេះមិនបណ្ដាលឲ្យមានគ្រោះថ្នាក់ដល់អាយុជីវិតមនុស្ស–សត្វទេហើយមូលហេតុភ្លើងធូបដែលម្ចាស់ផ្ទះអុជ៕
