អង្គភាពប្រឆាំងអំពើពុករលួយ ចាប់ខ្លួនអតីតប្រធានមន្ទីររៀបចំ ដែនដី ខេត្តព្រះសីហនុ ពាក់ព័ន្ធការប្រព្រឹត្តអំពើពុករលួយ
ភ្នំពេញ ៖ លោក នួន ប៉ុក អតីតប្រធានមន្ទីររៀបចំដែនដីនគរូបនីយកម្ម និងសំណង់ ខេត្តព្រះសីហនុ ត្រូវបានអង្គភាពប្រឆាំងអំពើពុករលួយ ឃាត់ខ្លួននៅល្ងាចថ្ងៃទី ១ ខែ មីនា ឆ្នាំ ២០២០ នៅខេត្តព្រះសីហនុ យកទៅរាជធានីភ្នំពេញ ពាក់ព័ន្ធការប្រព្រឹត្តអំពើពុករលួយ កាលនៅកាន់តំណែង។
គួរបញ្ជាក់ថា អតីតប្រធានមន្ទីររៀបចំដែនដីនគរូបនីយកម្ម និងសំណង់ខេត្តពោធិ៍សាត់ ត្រូវបានតុលាការកាត់ទោសដាក់ពន្ធនាគារ ៨ឆ្នាំ និង រឹបអូសទ្រព្យសម្បត្តិផងដែរ ដោយសារតែពាក់ព័ន្ធនឹងការប្រព្រឹត្តិអំពើពុករលួយ ។ នេះបើយោងតាមការបង្ហោះលើគណនី Facebook page ផ្លូវការរបស់លោក Vannak Pheng។
សូមជម្រាបថា កាលពីថ្ងៃទី២៣ ខែមីនា ឆ្នាំ២០១៦ លោក នួន ប៉ុក ត្រូវបានប្រកាសចូលកាន់តំណែង ជាប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ ជំនួសលោក ហ៊ុន ភី ប្រធានមន្ទីរចាស់ដែលត្រូវចូលនិវត្តន៍ ។ នៅថ្ងៃទី១ ខែមីនា ឆ្នាំ២០១៨ លោកនួន ប៉ុក ផ្លាស់ប្តូរដោយដាក់លោក ចេង ស្រុង ជាប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុថ្មី ៕
