ចាប់បុរសម្នាក់យកកាំបិតភ្ជង់កនារីម្នាក់ប៉ុនប៉ងរំលោភ
ក្រចេះ៖ ស្នងការដ្ឋាននគរបាលខេត្តក្រចេះ បានឲ្យដឹងថា បុរសម្នាក់បានយកកាំបិតភ្ជង់កនារីម្នាក់ប៉ុនប៉ងរំលោភ តែមិនបានសម្រេច រួចហែលទឹកឆ្លងទន្លេគេចខ្លួន។ បន្ទាប់ទទួលពាក្យប្តឹងរបស់ជនរងគ្រោះ សមត្ថកិច្ចចុះស្រាវជ្រាវ ចាប់ខ្លួនជនល្មើស។
ជនសង្ស័យឈ្មោះ សាំង ភក្តី ហៅពៅ អាយុ២៤ឆ្នាំ ត្រូវបានកម្លាំងនគរបាលក្រុងក្រចេះ ស្រាវជ្រាវចាប់ខ្លួននៅព្រឹកថ្ងៃទី២៣ ខែមេសា បន្ទាប់ពីជននេះបានព្យាយាមគេចខ្លួនដោយហែលទឹកឆ្លងទន្លេទៅលាក់ខ្លួននៅលើកោះ ក្រោយពីបានប្រើកូនកាំបិតយកទៅភ្ជង់.កនារីរងគ្រោះប៉ុនប៉ងចាប់រំលោភតែមិនបានសម្រេច។
នារីរងគ្រោះជនជាតិវៀតណាម អាយុ២០ឆ្នាំ រស់នៅសង្កាត់ក្រគរ ក្រុងក្រចេះ ត្រូវជននេះប៉ុនប៉ងចាប់រំលោភកាលពីយប់រំលងអធ្រាត្រ តែមិនបានសម្រេចដោយសារនាងបានរើបម្រាស់និងមានរបួសលើរាងកាយ៕
