អភិបាលរងខណ្ឌដង្កោ ចុះអន្តរាគមន៍ ទប់ស្កាត់កម្មកររោងចក្រ ចង់ដឹកម៉ាស៊ីននិងសម្ភារៈចេញពីរោងចក្រស្បែក”គុនដាហ្វូតវែរ”
ភ្នំពេញ៖កាលពីរសៀលថ្ងៃទី២៧ ខែមេសា ឆ្នាំ២០២០ រដ្ឋបាលខណ្ឌដង្កោ លោក ជ គឹមស៊ អភិបាលរងខណ្ឌដង្កោ ចុះអន្តរាគមន៍ទប់ស្កាត់ករណីកម្មករ និងរដ្ឋបាលរោងចក្រចង់ដឹកម៉ាស៊ីន និងសម្ភារៈចេញពីរោងចក្រស្បែកជើងឈ្មោះ “គុនដាហ្វូតវែរ”ស្ថិតនៅផ្លូវបេតុងទួលពង្រ ក្នុងភូមិសំបួរ សង្កាត់ដង្កោ ខណ្ឌដង្កោ ។
ក្នុងឱកាសនោះជាលទ្ធផលរដ្ឋបាលខណ្ឌបានណែនាំឲ្យផ្អាកសកម្មភាពរងចាំមានការឯកភាពគ្នារវាងតំណាងរោងចក្រ និងកម្មករ ហើយត្រូវមានការឯកភាពពីខាងក្រសួងការងារនិងបណ្ដុះបណ្ដាលវិជ្ជាជីវះនិងព្រះរាជអាជ្ញាចូលរួមជាមុនសិនទើបអាចធ្វើការលក់ដូរ ដឹកជញ្ជូនសម្ភារៈចេញទៅក្រៅបាន។
លោក ជ គឹមស៊ អភិបាលរងខណ្ឌដង្កោបានបញ្ជាក់ថា៖បើសិនខាងកម្មករ និងតំណាងរោងចក្រមិនអនុវត្តតាមគោលការណ៍ច្បាប់ទេ រដ្ឋបាលខណ្ឌង្កោ នឹងចុះឃាត់ខ្លួនមនុស្ស និងសម្ភារ:ចាត់ការតាមនីតិវិធីច្បាប់ ៕