ធនាគារជាតិ ប្រកាសដាក់ឱ្យដេញថ្លៃប្រាក់ដុល្លារអាមេរិក ចំនួន៥០លានដុល្លារក្នុងសប្តាហ៍នេះ
ភ្នំពេញ៖ ធនាគារជាតិនៃកម្ពុជា នៅថ្ងៃទី២០ ខែតុលា ឆ្នាំ២០២០នេះ បានចេញសេចក្តីជូនដំណឹងស្តីពី ការដាក់ឱ្យដេញថ្លៃប្រាក់ដុល្លារអាមេរិក ចំនួន៥០លានដុល្លារក្នុងសប្តាហ៍នេះ។
ធនាគារជាតិនៃកម្ពុជា សូមជូនដំណឹងដល់គ្រឹះស្ថានធនាគារ គ្រឹះស្ថានមីក្រូហិរញ្ញវត្ថុ និងអាជីវកម្មប្តូរប្រាក់ដែលមានអាជ្ញាប័ណ្ណទាំងអស់ ជ្រាបថា ដើម្បីរក្សាស្ថិរភាពអត្រាប្តូរប្រាក់រៀល នៅលើទីផ្សារ ធនាគារជាតិនៃកម្ពុជា នឹងដាក់ឲ្យដេញថ្លៃប្រាក់ដុល្លារអាមេរិកចំនួន ៥០.០០០.០០០ដុល្លារ(ហាសិបលានដុល្លារអាមេរិក) ក្នុងសប្តាហ៍នេះ។ ចំពោះអត្រាដេញថ្លៃអប្បបរមានឹងត្រូវប្រកាសពេលព្រឹកនៃថ្ងៃដេញថ្លៃជាក់ស្តែង។
ធនាគារជាតិនៃកម្ពុជា សូមអញ្ជើញ គ្រឹះស្ថានធនាគារ គ្រឹះស្ថានមីក្រូហិរញ្ញវត្ថុ និងអាជីវករប្តូរប្រាក់ដែលមានអាជ្ញាប័ណ្ណ និងត្រៀមលក្ខណៈចូលរួមការដេញថ្លៃតាមកាលបរិច្ឆេទ៕