អាជ្ញាធរខណ្ឌច្បារអំពៅ ចុះបង្ក្រាបបនល្បែងស៊ីសង២កន្លែង នៅសង្កាត់ច្បារអំពៅទី២
ភ្នំពេញ៖ដោយយោងតាមប្រសាស៍របស់ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ កាលពីរសៀលថ្ងៃទី៣ ខែវិច្ឆិកា ឆ្នាំ២០២០ បានបញ្ជាឲ្យចុះស្រាវជ្រាវទីតាំងបើកអាជីវកម្ម ឆ្នោតឡូតូ បំប្លែងជាល្បែងស៊ីសង តាមអនឡាញ Keno Online។
លុះនៅព្រឹក ថ្ងៃទី១៧ ខែវិច្ឆិកា ឆ្នាំ២០២០ នេះ គណះបញ្ជាការឯកភាពខណ្ឌច្បារអំពៅ ដឹកនាំដោយលោក រស់ សុភ័ក្ត អភិបាលរងខណ្ឌ បានទទួលបញ្ជាផ្ទាល់ពីលោក ចេង មុនីរ៉ា អភិបាលខណ្ឌច្បារអំពៅ បានដឹកនាំកម្លាំង ចុះបង្ក្រាប់ទីតាំងល្បែងស៊ីសង(ឆ្នោតឡូតូ) ដែលមិនគោរពតាមសេចក្តីណែនាំរបស់ អគ្គស្នងការនគរបាលជាតិ ចំនួន០២ទីតាំង ស្ថិតនៅភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញដោយបានដកហូតបានសម្ភារះសំរាប់លេងឆ្នោតមួយចំនួនផងដែរ។
មហាជនគាត់មានការគាំទ្រជាខ្លាំង ខណៈពេលនេះកម្លាំងសមត្ថកិច្ចអាជ្ញាធរខណ្ឌច្បារអំពៅ ដោយប្រើកណ្ដាប់ដៃដែកចុះទៅបង្ក្រាបបនល្បែងស៊ីសងខាងលើនេះ ហើយមហាជនគាត់ស្នើដល់អាជ្ញាធរខណ្ឌច្បារអំពៅអោយបន្តកណ្ដាប់ដៃដែកនេះបន្តទៀតក្នុងការចុះបង្ក្រាបរាល់បនល្បែងស៊ីសងនានានៅកន្លែងផ្សេងៗឯទៀតផងដែរ៕
