កងរាជអាវុធហត្ថរាជធានីភ្នំពេញ ក្រៅពីចេញល្បាត ការពារ សន្តិសុខ សុវត្ថិភាព នៅបានជួយសម្រួលចរាចរណ៍ ជូនបងប្អូនប្រជាពលរដ្ឋ នៅលើដងផ្លូវទៀតផង
ភ្នំពេញ៖ នៅថ្ងៃទី២៧ ខែវិច្ឆិកា ឆ្នាំ២០២០ កងកម្លាំងកងរាជអាវុធហត្ថរាជធានីភ្នំពេញ ក៏ដូចជាកម្លាំងមូលដ្ឋានអាវុធហត្ថខណ្ឌទាំង១៤ បានបន្តចេញល្បាត ការពារ សន្តិសុខ សុវត្ថិភាពតាមគោលដៅនិងបានជួយសំរួលចរាចរណ៍ ជូនបងប្អូនប្រជាពលរដ្ឋ នៅលើដងផ្លូវ តាមភូមិសាស្ត្រខណ្ឌរៀងៗខ្លួន ។
ចំណែកកងកម្លាំងក្នុងទីបញ្ជាការ ក៏ដូចជាកម្លាំងមូលដ្ឋានអាវុធហត្ថខណ្ឌទាំង១៤ នៃកងរាជអាវុធហត្ថរាជធានីភ្នំពេញ បានចេញបេសកកម្ម ការពារ សន្តិសុខ សណ្តាប់ធ្នាប់ សុវត្ថិភាព ជូនសិស្សានុសិស្សឆ្លងផ្លូវចូលសាលារៀន បងប្អូនប្រជាពលរដ្ឋ គណៈប្រតិភូជាតិ និងអន្តរជាតិ ក្នុងភូមិសាស្ត្រនានាក្នុងរាជធានីភ្នំពេញ ។
ចំពោះសកម្មភាពកម្លាំងកងរាជអាវុធហត្ថរាជធានីភ្នំពេញប្រចាំថ្ងៃវិញនៅតែបន្តធ្វើការត្រួតពិនិត្យសុខភាព វាស់កំដៅ បាញ់ថ្នាំសម្លាប់មេរោគ ដល់នាយទាហាន នាយទាហានរង ពលទាហានអាវុធហត្ថ មុនពេលចូលកន្លែងធ្វើការដោយគ្មានការធ្វេសប្រហែសឡើយ ដើម្បី បង្ការ ទប់ស្កាត់ ពីជំងឺឆ្លង covid- 19 ។
ក្នុងនោះដែរកងកម្លាំង អន្តរាគមន៍ ក្នុងទីបញ្ជាការ ក៏ដូចជាកម្លាំងតាមបណ្តាលមូលដ្ឋានអាវុធហត្ថខណ្ឌទាំង១៤ បានធ្វើលំហាត់ប្រាណជាប្រចាំ លេងកីឡា ដើម្បីសុខភាពល្អ ចៀសផុតពីជំងឺតម្កាត់ផ្សេងៗ៕