អាជ្ញាធរខណ្ឌសែនសុខ ចុះណែនាំដល់កន្លែងទាំងយប់ឱ្យផ្អាកបណ្តោះអាសន្ន ការរៀបអាពាហ៌ពិពាហ៌ បុណ្យទាន ការជួបជុំផ្សេងៗនិងភោជនីយដ្ឋានមិនត្រូវទទួលភ្ញៀវលើសពី២០នាក់ ដោយរក្សាគម្លាត រៀបចំឲ្យមានអនាម័យ វាស់កំដៅ បាញ់អាល់កុល ដល់ភ្ញៀវដែលចូលពិសារ

ភ្នំពេញ៖កាលពីយប់ថ្ងៃទី៣០ ខែវិច្ឆិកា ឆ្នាំ២០២០នេះ លោក ម៉ូវ ម៉ានិត អភិបាលខណ្ឌ និងជាប្រធានគណៈបញ្ជាកាឯកភាពរដ្ឋបាលខណ្ឌសែនសុខ បានធ្វើការបែងចែកកំលាំងចុះធ្វើការណែនាំ ចែកសេចក្តីជូនដំណឹងដល់ភោជនីយដ្ឋាន កន្លែងទទួលរៀបអាពាហ៍ពិពាហ៍ កន្លែងម៉ាស្សា ខារ៉ាអូខេ ក្លឹបកំសាន្ត ឌីស្កូរតែក ក្លឹបហាត់ប្រាណ នៅក្នុងមូលដ្ឋានសង្កាត់ទាំង០៦ ខណ្ឌសែនសុខ ឱ្យចូលរួមផ្អាកបណ្តោះអាសន្ន និងភោជនីយដ្ឋានមិនត្រូវទទួលភ្ញៀវលើសពី២០នាក់ ដោយរក្សាគម្លាត រៀបចំឲ្យមានអនាម័យ វាស់កំដៅ បាញ់អាល់កុល ដល់ភ្ញៀវដែលចូលពិសារ តាមការណែនាំរបស់ក្រសួងសុខាភិបាល ដើម្បីទប់ស្កាត់ការឆ្លងរីករាលជំងឺកូវីដ-១៩ ក្នុងព្រឹត្តិការណ៍សហគមន៍២៨ វិច្ឆិកា។

លោកអភិបាលខណ្ឌបញ្ជាក់ថា៖ ការបែងចែកក្រុមការងារ ចុះណែនាំទាំងយប់នេះ គឺអនុវត្តតាមអនុសាសន៍ដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា និងអនុវត្តតាមសេចក្តីណែនាំលេខ ០០៩/២០ សណន ចុះថ្ងៃទី ៣០.១១.២០២០ របស់រដ្ឋបាលរាជធានីភ្នំពេញ៕