រថយន្តធុនធំឡើងចំណោទមិនរួច អស់ខ្យល់ខ្លាំង ថយក្រោយមួយទំហឹង បណ្ដាលឲ្យកិនរថយន្តតូចមួយគ្រឿង
ក្រុងព្រះសីហនុ៖ នៅវេលាម៉ោង ៦ និង ៣០នាទីល្ងាចថ្ងៃទី ៦ ខែធ្នូឆ្នាំ ២០២០មានករណីគ្រោះថ្នាក់ចរាចរណ៍មួយ ដោយរថយន្តធន់ធំបើកបរឡើងចំណោទតោពីរស្ថិតនៅក្នុងភូមិ ៣ សង្កាត់ ៤ ក្រុងព្រះសីហនុខេត្តព្រះសីហនុ ដោយឡើងចំណោទវែងពេកក៏អកសឺបណ្ដាលឱ្យជាន់ហ្វ្រាំងលែងស៊ីដោយសារតែស្ទើរខ្យល់ខ្លាំងថ្នាក់ទីនោះរថយន្តធុនធំក៏រអិលថយក្រោយបុកប៉ះជាមួយនឹងរថយន្ត morning គ្មានស្លាកលេខបណ្ដាលឱ្យបែកចង្កៀងមុខនិងកំពិតដំបូលម៉ាស៊ីនរីឯរថយន្តធន់ធំក៏កាច់ចង្កូតមកស្ដាំមួយទំហឹងធ្វើអោយគូថឡានរេហូរថយក្រោយចូលក្នុងសណ្ឋាគារអីឆឹង ប៉ះជាមួយនឹងឡានស្តារិច ភ្នំពេញ ២BA-៦៧០៥ បណ្ដាលឱ្យខូចខាតកន្ទុយក្រោយខាងស្ដាំព្រមទាំងបែកស្ទុប។
សូមបញ្ជាក់ផងដែរថា នៅក្នុងករណីគ្រោះថ្នាក់ចរាចរណ៍មួយនេះ មិនបណ្ដាលឲ្យមានគ្រោះថ្នាក់ដល់អាយុជីវិតរឿងរបួសនោះទេ ក្រោយកើតហេតុនេះភ្លាមៗខាងនគរបាលចរាចរណ៍ បានមកដល់ធ្វើការវង្វែងទៅតាមជំនាញនិងធ្វើការសម្របសម្រួល ទៅលើរថយន្តបង្កនិងរថយន្តរងគ្រោះផងដែរ៕
