ប្រទះឃើញស្ត្រីម្នាក់ ដេកសន្លប់នៅក្បែរផ្ទាំងថ្ម ម្តុំជិតដើមឈើចាំស្នេហ៍

ខេត្តព្រះសីហនុ៖ ប្រទះឃើញស្ត្រីម្នាក់ ដេកសន្លប់នៅក្បែរផ្ទាំងថ្ម ម្តុំជិតដើមឈើចាំស្នេហ៍ នាព្រឹកថ្ងៃ១២ធ្នូ២០២០នេះ។
ប្រភពពីពលរដ្ឋមួយគ្រួសារដែលអះអាងថា ជាសាច់ញាតិ ប្រាប់ថាស្ត្រីរូបនេះឈ្មោះថាច ចន្ថាជនជាតិខ្មែរ អាយុជាង៣០ឆ្នាំ រស់នៅក្រុងព្រះសីហនុ បានចាកចេញបាត់ពីផ្ទះ កាលពីយប់មិញ ដោយចេញតែខ្លួន មិនយកប្រាក់ឬទ្រព្យសម្បត្តិជាប់ខ្លួនឡើយ ។ បើតាមសាច់ញាតិបញ្ជាក់បន្ថែមថា ការចាកចេញរបស់ស្ត្រីរូបនេះ ទំនងមានបំណងធ្វើអត្តឃាត។
បច្ចុប្បន្ន ស្ត្រីរូបនេះត្រូវបានសមត្ថកិច្ច បញ្ជូនយកទៅសង្គ្រោះនៅមន្ទីរពេទ្យហើយ៕