អធិការប៉ូលិសស្រុកកៀស្វាយ ជួយអ្នកក្រខ្សត់២៤គ្រួសារនៅឃុំសំរោងធំ
កណ្ដាល៖ក្រុមគ្រួសារក្រខ្សត់ចំនួន២៤គ្រួសារ ដែលស់នៅភូមិស្ទឹង២ឃុំសំរោងធំស្រុកកៀនស្វាយខេត្តកណ្ដាល ដោយបានទទួលការអាណិតអាសូរ ពីសំណាក់លោកអធិការប៉ូលិសស្រុកកៀនស្វាយព្រុំ សំណាងដោយបានយកនូវអំណោយជាស្បៀងអាហារ ទៅជួយឧបត្ថម្ភដល់លំនៅស្ថានពួកគាត់ដែលស្ថិតនៅភូមិស្ទឹង២ ឃុំសំរោងធំ ស្រុកកៀនស្វាយ ខេត្តកណ្ដាលកាលពីព្រឹកថ្ងៃទី១៧ខែធ្នូឆ្នាំ២០២០នេះ។
លោកអធិការប៉ូលិសស្រុកកៀនស្វាយព្រុំ សំណាង បានអោយដឹងថាចំពោះអំណោយផ្ដល់ជូនដល់ប្រជាជនក្រខ្សត់ទាំង២៤គ្រួសារ នៅពេលនេះក្នុងមួយគ្រួសារៗទទួលបានអង្ករ ០១បាវ ស្មើរ២០គីឡូក្រាម,មី១កេះតូច,សាប៉ូលាងចាន ០២ដប,ម៉ាស់១ប្រអប់,ទឹកសុីអុីវ១យួរ ទឹកត្រី១យួរ និងថវិកា ២០.០០០រៀលផងដែរ។
លោកព្រុំ សំណាង អធិការប៉ូលិសស្រុកកៀនស្វាយ បានអោយដឹងទៀតថា ចំពោះសកម្មភាពចុះចែកអំណោយជូនដល់ប្រជាជនក្រខ្សត់នាពេលនេះ គឺជាការអនុវត្តន៍តាមការណែនាំរបស់ថ្នាក់លើ និងជាពិសេសលោកអភិបាលស្រុក ថ្វីត្បិតអំណោយទាំងអស់នេះមានបរិមាណមិនសូវច្រើនក្ដីតែនេះ គឺជាការគិតគូដោយយកចិត្តទុក្ខដាក់ក្នុងទឹកចិត្តអាណិតអាសូររបស់ថ្នាក់ដឹកនាំ នៃអធិការដ្ឋានប៉ូលិសស្រុកកៀនស្វាយ ហើយអំណោយទាំងនេះនឹងបានជួយដោះស្រាយផ្នែកជីវភាពប្រចាំថ្ងៃ ពេលជួបការលំបាលបានមួយគ្រាផងដែរ ៕
