ឃាត់ខ្លួនបានហើយឃាតករ ដែលបាញ់សម្លាប់បុរសម្នាក់ ជាអ្នកគក់ជេរដី ម៉ូតូ និងចងការប្រាក់
ភ្នំពេញ៖ កម្លាំងព្រហ្មទណ្ឌនគរបាលខណ្ឌកំបូល បានធ្វេីការឃាត់ខ្លួនឃាតករ ដែលបាញ់សម្លាប់បុរសម្នាក់ បានហេីយ កាលពីរសៀល១៩ខែធ្នូឆ្នាំ២០២០ នៅផ្លូវវេងស្រេង សង្កាត់ចោមចៅទី២ ខណ្ឌពោធិ៍សែនជ័យ។
ជនដៃដល់ឈ្មោះ សុខហេង សំបូរ ភេទប្រុសអាយុ៣១ឆ្នាំ ស្នាក់នៅភូមិស្រែញរ សង្កាត់ពងទឹក ខណ្ឌដង្កោ កាំភ្លេីងដែលជនដៃដល់ ធ្វេីសកម្មភាពនោះម៉ាកCZ ។
គួររំលឹកថា ៖កាលពីវេលាម៉ោង៣រសៀលថ្ងៃទី១៧ ខែធ្នូ ឆ្នាំ២០២០ ស្ថិតនៅតាមផ្លូវលំ ភូមិទួលកី សង្កាត់ភ្លើងឆេះរទេះ ខណ្ឌកំបូល ។មានករណីខ្មាន់កាំភ្លេីង បានបាញ់ប្រហាបុរសម្នាក់ចំនួន៤គ្រាប់ បណ្តាលឲ្យស្លាប់ពេល បញ្ជូនទៅដល់មន្ទីរពេទ្យ ហេីយជនដៃដល់ក៏គេចខ្លួនបាត់។
រហូតមកដល់រសៀលថ្ងៃទី១៩ខែធ្នូឆ្នាំ២០២០ កម្លាំងព្រហ្មទណ្ឌខណ្ឌកំបូល សហការជាមួយ កម្លាំងព្រហ្មទណ្ឌក្រសួងមហាផ្ទៃបាន ធ្វេីការឃាត់ខ្លួនជនដៃដល់បានតែម្តង។
នៅចំពោះមុខសមត្ថកិច្ចជនដៃដល់ បានសារភាពថាខ្លួនពិតជា បានបាញ់សម្លាប់ជនរងគ្រោះពិតប្រាកដមែន ព្រោះតែរឿងជំពាក់លុយ។
ជនរងគ្រោះឈ្មោះ នៅ ចំណាន ភេទប្រុសអាយុ៤៥ឆ្នាំ មុខរបរគួកជេរដី រថយន្តម៉ូតូ ព្រមទាំងនិងចងការប្រាក់ មានទីលំនៅក្នុងភូមិព្រៃព្រីងត្បូង សង្កាត់ចោមចៅ៣ ខណ្ឌពោធិ៍សែនជ័យ។
សមត្ថកិច្ចបន្តថា៖បច្ចុប្បន្នជនសង្ស័យត្រូវបាន កម្លាំងព្រហ្មទណ្ឌខណ្ឌកំបូលកំពុងសួរចម្លេីយ៕