ថៃធ្វើតេស្តមនុស្សជាង ១ម៉ឺននាក់ ដើម្បីរកអ្នកមានជំងឺកូវីដ១៩ ស
ថៃ៖ មន្ត្រីម្នាក់បាននិយាយកាលពីថ្ងៃអាទិត្យថា ប្រទេសថៃគ្រោងនឹងធ្វើតេស្តលើមនុស្សជាង ១ម៉ឺននាក់បន្ថែមទៀតបន្ទាប់ពីមានករណីឆ្លងជំងឺ COVID-9 កើនឡើងប្រចាំថ្ងៃរហូតដល់ចំនួនជាង ៥០០នាក់ ដែលភាគច្រើនស្ថិតក្នុងចំណោមពលករចំណាកស្រុក ដែលជាប់ទាក់ទងនឹងទីផ្សារលក់បង្គាក្បែររដ្ឋធានីបាងកក។
លោក Taweesin Wisanuyothin អ្នកនាំពាក្យក្រុមការងារពិសេស ទទួលបន្ទុកគ្រប់គ្រងបញ្ហាជំងឺ COVID-19 របស់ប្រទេសថៃបានប្រាប់សន្និសីទសារព័ត៌មានថា នៅត្រឹមថ្ងៃពុធសប្ដាហ៍នេះ ក្រុមអាជ្ញាធរមានបំណងធ្វើតេស្តមនុស្សចំនួន ១០.៣០០នាក់នៅក្នុងខេត្តសាមុតសាខនភាគនិរតី ជាទីដែលទំនងមានការរផ្ទុះឡើង និងខេត្តនានាដែលនៅក្បែរនោះដូចជាខេត្តសាមុតសុងក្រាម និងទីក្រុងណាខនប៉ាថុំជាដើម។ លោកបាននិយាយថា ការរកឃើញករណីឆ្លងសកម្មនឹងបន្តកើតមាន នៅតាមបណ្ដាខេត្តមួយចំនួននៅទូទាំងប្រទេស។ ប្រទេសថៃជាប្រទេសដំបូងគេនៅក្រៅប្រទេសចិន ដែលរាយការណ៍ពីការឆ្លងវីរុសកូរ៉ូណានេះ បានគ្រប់គ្រងការឆ្លងរាលដាលនៃជំងឺនេះ ដោយមានករណីឆ្លងចំនួន ៤.៩០៧នាក់ និង ៦០នាក់បានស្លាប់។ កាលពីថ្ងៃអាទិត្យប្រទេសថៃបានបញ្ជាក់ពីការឆ្លងថ្មីចំនួន ៥៧៦នាក់ ក្នុងនោះករណីពលករចំណាកស្រុកមានចំនួន ៥១៦នាក់ត្រូវបានប្រកាសក្នុងស្រុកកាលពីមួយថ្ងៃមុន៕