អភិបាលខណ្ឌពោធិ៍សែនជ័យ ទទួលអំណោយពីឧត្តមសេនីយ៍ទោ ប៊ន សំអាត និងលោកស្រី សឿង វ៉ាន្នី ប្រធានក្រុមហ៊ុនមួយឡេងប៊ីយូធី
ភ្នំពេញ៖នៅព្រឹកថ្ងៃទី២៩ ខែធ្នូ ឆ្នាំ២០២០ លោក ហែម ដារិទ្ធិ អភិបាលខណ្ឌពោធិ៍សែនជ័យ បានទទួលអំណោយពី ឧត្តមសេនីយ៍ទោ ប៊ន សំអាត និងលោក ជំទាវ សឿង វ៉ាន្នី ប្រធានក្រុមហ៊ុន មួយឡេងប៊ីយូធី ដែលបានឧបត្ថម្ភនូវ ជែល លាងដៃចំនួន ១ម៉ឺនដប ដើម្បីចូលរួមចំណែកទប់ស្កាត់នៃជម្ងឺរីករាលដាល កូវីដ-១៩ ជូនដល់រដ្ឋបាលខណ្ឌពោធិ៍សែនជ័យ សម្រាប់ចែកជូនដល់ កងកម្លាំងប្រដាប់អាវុធ, មន្ត្រីក្រោមឱវាទ និងប្រជាពលរដ្ឋនៅក្នុងមូលដ្ឋាន។
ក្នុងឱកាសនោះ លោក ហែម ដារិទ្ធិ អភិបាលខណ្ឌពោធិ៍សែនជ័យបានសូមថ្លែងអំណរគុណយ៉ាងជ្រាលជ្រៅចំពោះលោកឧត្តមសេនីយ៍ទោ ប៊ន សំអាត និង លោកស្រី សឿង វ៉ានី្នប្រធានក្រុមហ៊ុន មួយឡេងប៊ីយូធី ដែលមានទឹកចិត្តសប្បុរសធម៍បានឧបត្ថម្ភនូវ ជែល លាងដៃចំនួន ១ម៉ឺនដប ដើម្បីចូលរួមចំណែកទប់ស្កាត់នៃជម្ងឺរីករាលដាល កូវីដ-១៩៕
