ប្រជុំក្រុមប្រឹក្សាខណ្ឌចំការមន លើកទី១៩ អាណត្តិទី៣ លើកយករបៀបវារៈចំនួន៥មកពិនិត្យពិភាក្សា
ភ្នំពេញ៖កាលពីព្រឹកថ្ងៃទី២៩ខែធ្នូឆ្នាំ២០២០នេះរដ្ឋបាលខណ្ឌចំការមន បានរៀបចំកិច្ចប្រជុំសាមញ្ញលើកទី ១៩ របស់ក្រុមប្រឹក្សាខណ្ឌចំការមន អាណត្តិទី៣ ក្រោមអធិបតីភាពលោក ព្រុំ សំខាន់ ប្រធានក្រុមប្រឹក្សាខណ្ឌចំការមន និងលោក ថេង សុថុល អភិបាល នៃគណៈអភិបាលខណ្ឌចំការមន ដោយមានការចូលរួមពីឯកឧត្តម ម៉ក ថាយ ឯកឧត្តម ងួន សុភៈ សមាជិកក្រុមប្រឹក្សារាជធានីភ្នំពេញ សមាជិក-សមាជិកាក្រុមប្រឹក្សាខណ្ឌ គណៈអភិបាលខណ្ឌ អធិការរងនគរបាលខណ្ឌ មេបញ្ជាការរងកងរាជអាវុធហត្ថខណ្ឌ ប្រធានក្រុមយោធាភូមិភាពពិសេសប្រចាំខណ្ឌ នាយក-នាយករងរដ្ឋបាលខណ្ឌ លោក-លោកស្រីប្រធាន-អនុប្រធានការិយាល័យ-អង្គភាពទាំង ១១ លោកចៅសង្កាត់ទាំង ០៥ ផ្សារទាំង ០២ និងមន្ត្រីពាក់ព័ន្ធជាច្រើនរូបចូលរួមស្ដាប់គាំទ្រផងដែរ។
កិច្ចប្រជុំក្រុមប្រឹក្សាខណ្ឌនាព្រឹកមិញនេះដោយលើកយកនូវរបៀបវារៈនៃកិច្ចប្រជុំមានដូចខាងក្រោម៖
១-ពិនិត្យ និងអនុម័តសេចក្ដីព្រាងកំណត់ហេតុកិច្ចប្រជុំសាមញ្ញលើកទី១៨ របស់ក្រុមប្រឹក្សាខណ្ឌចំការមន អាណត្តិទី៣ នាថ្ងៃទី២៧ ខែវិច្ឆិកា ឆ្នាំ២០២០
២-ពិនិត្យ និងអនុម័តសេចក្ដីព្រាងរបាយការណ៍ប្រចាំឆ្នាំ២០២០ និងទិសដៅអនុវត្តការងារឆ្នាំ២០២១ ស្ដីពីការអនុវត្តការងាររបស់រដ្ឋបាលខណ្ឌចំការមន
៣-ពិនិត្យ និងអនុម័តសេចក្ដីព្រាងរបាយការណ៍អនុវត្តកិច្ចលទ្ធកម្ម ឆ្នាំ២០២០ និងផែនការលទ្ធកម្មឆ្នាំ២០២១ របស់រដ្ឋបាលខណ្ឌចំការមន
៤-ពិនិត្យ និងអនុម័តការបែងចែកប្រាក់រង្វាន់លើកទឹកចិត្តជូនមន្ត្រីបុគ្គលិក រដ្ឋបាលខណ្ឌចំការមន
៥-បញ្ហាផ្សេងៗ
ក្នុងឱកាសនោះក៏មានការប្រកាសផ្ទេរភារកិច្ចមន្ត្រីរាជការ ដោយ លោក ទូច ខាន់ដា ត្រូវផ្ទរភារកិច្ចពីអនុប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលខណ្ឌសែនសុខ មកជាអនុប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលខណ្ឌចំការមនរាជធានីភ្នំពេញ៕
