អភិបាលខណ្ឌពោធិសែនជ័យ ក្រុមការងាររដ្ឋបាលខណ្ឌ និងក្រុមប្រឹក្សាសង្កាត់ចោមចៅទី៣ ចូលរួមរំលែកទុក្ខក្រុមគ្រួសារសពឧបាសិកា ប៉ូ អេង
ភ្នំពេញ៖កាលពីថ្ងៃទី ១៤ ខែ មករា ឆ្នាំ ២០២០ លោក ហែម ដារិទ្ធិ អភិបាលខណ្ឌពោធិសែនជ័យ ក្រុមការងាររដ្ឋបាលខណ្ឌ មានប្រធានផ្សារទាំង៣ក្នុងខណ្ឌ និងក្រុមប្រឹក្សាសង្កាត់ចោមចៅទី៣ បានអញ្ជើញចូលរួមរំលែកទុក្ខក្រុមគ្រួសារសពឧបាសិកា ប៉ូ អេង បានទទួលមរណៈភាពក្នុងជន្មាយុ៦៩ឆ្នាំ សពតំកល់ធ្វើបុណ្យតាមប្រពៃណីនៅផ្ទះ ក្នុងភូមិជម្ពូវ័ន១។
ក្នុងឱកាសទៅចូលរួមបុណ្យសពខាងលើលោកអភិបាលខណ្ឌនិងក្រុមការងារបាននាំយកនូវសម្ភារៈចូលរួមបុណ្យសពរួមមាន ៖ អង្ក១០០គ.ក្រ ទឹកក្រូច ០៥កេស បាកាស ០៥កេស និងថវិកាចំនួន ២,៤២០,០០០រៀល ។ ក្នុងនោះដែលលោក ហែម ដារិទ្ធ បានឧបត្ថម្ភជូនលោកយាយ ប៉ូ យ៉េត ដែលត្រូវជាប្អូនស្រីបង្កើតនៃសពនូវថវិកាចំនួន ៥០០,០០០រៀល អង្ករ ៥០គ.ក្រ ទឹកសុទ្ធ ០១កេស និងមី ០១កេស បន្ថែមផងដែរ៕
