អភិបាលខណ្ឌកំបូលចុះត្រួតពិនិត្យដំណើរការចាក់វ៉ាក់សាំង ជូនបងប្អូនប្រជាពលរដ្ឋ និងកម្មករនិយោជិតក្នុងខណ្ឌ

ភ្នំពេញ៖ លោក ឃឹម ស៊ុ នសូដា អភិបាលខណ្ឌកំបូល និងជាប្រធានក្រុមការងារសម្របសម្រួលការចាក់វ៉ាក់សាំង ក្នុងក្របខ័ណ្ឌទូទាំងខណ្ឌកំបូលកាលពីថ្ងៃទី ១២ ខែឧសភា ឆ្នាំ២០២១ នេះ បានអញ្ជេីញអមដំណេីរ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានប្រតិបត្តិចាក់វ៉ាក់សាំងកូវីដ-១៩ និងលោក ហេង សួរ រដ្ឋលេខាធិការក្រសួងការងារ ព្រមទាំងនាយទាហានជាច្រើនរូប បានអញ្ជើញចុះត្រួតពិនិត្យ ដំណើរការចាក់វ៉ាក់សាំង ជូនបងប្អូនប្រជាពលរដ្ឋ និងកម្មករនិយោជិត តាមគោលដៅនានាក្នុងខណ្ឌកំបូល៕