លោកជំទាវកិត្តិសង្គហបណ្ឌិត ម៉ែន សំអន៖ សម្ពោធដាក់ឲ្យប្រើប្រាស់ សាលាធម្មសភា ក្នុងអាស្រម វិបស្សនាធុរៈពោធិរាជ ដែលចំណាយថវិកាសាងសង់អស់ ជាង៦៣០លានរៀល បម្រើឲ្យវិស័យពុទ្ធសាសនា
កំពង់ឆ្នាំង៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តី ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់សាលាធម្មសភាក្នុងអាស្រមវិបស្សនាធុរៈ ពោធិរាជ ដើម្បីបម្រើឲ្យវិស័យពុទ្ធសាសនា.ស្ថិត ក្នុងភូមិស្រែតាជៃ.ឃុំអភិវឌ្ឍន៍.ស្រុកទឹកផុស . ខេត្តកំពង់ឆ្នាំង នារសៀលថ្ងៃអាទិត្យ ១៥កើត ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១៩ ខែធ្នូ ឆ្នាំ២០២១ ។
លោកជំទាវកិត្តិសង្គហបណ្ឌិត ម៉ែន សំអន
ក៏បាននាំមកនូវការសាកសួរសុខទុក្ខពីសំណាក់ សម្តេចតេជោ ហ៊ុន សែន នាយករដ្ឋមន្រ្តីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់អង្គពិធីនូវក្តីនឹករលឹក។ លោកជំទាវបានបន្តទៀតថា សាលាធម្មសភាមួយខ្នងដែលត្រូវប្រារព្ធពិធីសម្ពោធនាពេលនេះ ត្រូវបានកសាងឡើងក្រោមកម្លាំងសទ្ធាជ្រះថ្លារបស់ លោកជំទាវឈរ ណារី ត្រាំអ៊ីវ តឹកព្រមទាំងពុទ្ធបរិស័ទ និងសប្បុរសជនជិតឆ្ងាយ ដោយចំណាយថវិកាអស់ជាង៦៣០លានរៀល ។
លោកជំទាវកិត្តិសង្គហបណ្ឌិត ម៉ែន សំអន ក៏
បានថ្លែងអំណរគុណ ប្រគេនព្រះសង្ឃ និងជូនចំពោះគណៈកម្មការអាចារ្យធាស្រមវិបស្សនាធុរៈ និងពុទ្ធបរិស័ទជិតឆ្ងាយទាំងអស់ ដែលបានដឹកនាំការកសាង និងបរិច្ចាគទ្រព្យធនផ្ទាល់ខ្លួនចូលរួមកសាងសមិទ្ធផលនានា ឱ្យស័ក្តិសមជាទីគោរពសក្ការបូជានៃពុទ្ធសាសនិកកម្ពុជាយើង ។
លោកជំទាវបានបន្តទៀតថា៖ ក្រោមការដឹកនាំដ៏ត្រឹមត្រូវ និងប្រកបដោយគតិបណ្ឌិតរបស់រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ ធ្វើឱ្យប្រទេសជាតិយើងទទួលបាននូវសុខសន្តិភាព និងស្ថិរភាពនយោបាយដ៏ពេញលេញនៅទូទាំងប្រទេស សម្រាប់ធ្វើជាមូលដ្ឋានគ្រឹះឱ្យយើងទាំងអស់គ្នាបានចូលរួមយ៉ាងសកម្មក្នុងការកសាង និងអភិវឌ្ឍន៍ហេដ្ឋារចនាសម្ព័ន្ធសង្គមជាតិ មានការរីកចម្រើនលូតលាស់ទាំងផ្នែកពុទ្ធចក្រ និងផ្នែកអាណាចក្រ ។
លោកជំទាវ កិត្ដិសង្គហបណ្ឌិត ម៉ែន សំអន ក៏បានផ្តាំផ្ញើរឲ្យប្រជាពលរដ្ឋសូមប្រុងប្រយ័ត្នខ្ព ស់ ចំពោះមេរោគកូវីដ១៩ អូមីក្រុន ដែលជាប្រភេទចម្លងលឿនបំផុត និងត្រូវចូលរួមអនុវត្តនូវវិធានការរបស់ក្រសួងសុខាភិបាល និងវិធានការណ៍របស់រាជរដ្ឋាភិបាល ៣ការពារ៣កុំ ទាំងអស់គ្នា ។
នៅក្នុងឱកាសនោះផងដែរ សម្រាប់គ្រួសារក្រី ចំនួន ១០០គ្រួសារ ទទួលបាន អង្ករ២៥គីឡូក្រាម ត្រីខ ១យួរមី១កេស ទឹកត្រី ១យួរ ទឹកត្រី ១យួរ ទឹកស៉ីអ៉ីវ ១យួរ ប៊ីចេង ១កញ្ចប់ អំបិល ១កញ្ចប់ ម៉ាស់ ១ប្រអប់ ជែលលាងដៃ១ដប.ថវិកា៥ម៉ឺន រៀល.យាយជី. តាជីក្រណាត់ស១.ថវិកា៥ម៉ឺនរៀល ផងដែរ ៕ . សំរិត