រយ:ពេលមួយខែ ក្រុមការងារស្ថានីយជញ្ជីងអូរពោធិ៍- ខេត្តព្រះវិហារ ត្រួតពិនិត្យយានយន្ត បានជាង៤០០០គ្រឿងនិងបានផាកពិន័យរថយន្តដឹកលើសទម្ងន់៧គ្រឿង
ព្រះវិហារ៖ ក្នុងរយ:ពេលមួយខែនេះ ក្រុមការងារស្ថានីយជញ្ជីងអូរពោធិ៍–ខេត្តព្រះវិហារ បានធ្វើការត្រួតពិនិត្យយានយន្ត បានចំនួនជាង៤០០០ គ្រឿង ហើយ ក្នុងចំនួននេះ មានរថយន្តដឹកលើសទម្ងន់(ពី ១០%ទៅ ២០%)ត្រូវធ្វើការផាកពិន័យចំនួន ៧គ្រឿងនិងរថយន្តដឹកលើសទម្ងន់ចាប់ពី២០%ត្រូវវធ្វើការផាកពិន័យចំនួន១គ្រឿង។
លោក សំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារ បានមានប្រសាសន៍អោយដឹងថា៖រយ:ពេលមួយខែ សម្រាប់ខែកុម្ភៈ ឆ្នាំ២០២២នេះ ពោលចាប់ពីថ្ងៃទី២២ខែមករា ដល់ថ្ងៃទី២០ ខែកុម្ភៈ ឆ្នាំ២០២២ ក្រុមការងារស្ថានីយជញ្ជីងអូរពោធិ៍–ខេត្តព្រះវិហារ បានធ្វើការត្រួតពិនិត្យយានយន្ត បានចំនួន៤៤៥០ គ្រឿង ក្នុងនោះ រថយន្តដឹកលើសទម្ងន់(ពី ១០%ទៅ ២០%)ត្រូវធ្វើការផាកពិន័យចំនួន ៧គ្រឿងនិងរថយន្តដឹកលើសទម្ងន់ចាប់ពី២០%ត្រូវវធ្វើការផាកពិន័យចំនួន១ គ្រឿងផងដែរ។
លោក សំ លាងទ្រី បានសូមអោយប្រជាពលរដ្ឋចូលរួមថែរក្សាផ្លូវជាតិរបស់យេីងទាំងអស់គ្នា ដេីម្បីឲ្យការប្រេីប្រាស់ផ្លូវបានយូរអង្វែង ដោយត្រូវបញ្ឈប់ការដឹកជញ្ជូនទំនិញគ្រប់ប្រភេទលេីសទម្ងន់កំណត់។
លោក សំ លាងទ្រី បានបញ្ជាក់ថា ថ្ងៃទី២៣ខែកុម្ភ:ឆ្នាំ២០២២នេះ ក្រុមការងារស្ថានីយ៍ជញ្ជីង អូរពោធិ–ព្រះវិហារ នៃមន្ទីរសាធារណការនិងដឹកជញ្ជូនខេត្តព្រះវិហារ បានត្រួតពិនិត្យឃេីញរថយន្តម៉ាកV1 ១គ្រឿង ដឹកជញ្ជូនដំឡូងមីលេីសទម្ងន់កំណត់រហូតជិត៧តោន។ អនុវត្តទៅតាមច្បាប់រថយន្តដឹកលេីសទម្ងន់កំណត់នេះ ក្រុមការងារ តម្រូវឲ្យម្ចាស់រថយន្តរេីទំនិញដែលលេីសចេញនិងធ្វេីការពិន័យជាទឹកប្រាក់ចំនួន១៤០.០០០០រៀល ទេីបអនុញ្ញាតិឲ្យបន្តដំណេីរទៅមុខទៀត៕