ពិធីផ្សព្វផ្សាយលទ្ធផល នៃការស្រាវជ្រាវស្តីពី វិស័យសកម្មភាពមីន និងការអភិវឌ្ឍប្រកបដោយចីរភាព

ភ្នំពេញ៖ នាព្រឹកថ្ងៃទី ០៣ ខែមីនា ឆ្នាំ២០២២ ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានអញ្ជើញចូលរួមជាអធិបតីក្នុងពិធីផ្សព្វផ្សាយលទ្ធផលនៃការស្រាវជ្រាវស្តីពី វិស័យសកម្មភាពមីន និងការអភិវឌ្ឍប្រកបដោយចីរភាព ដោយមានការអញ្ចើញចូលរួមពី តំណាងក្រសួង ស្ថាប័ន តំណាងដៃគូអភិវឌ្ឍន៍ អង្គទូត/តំណាងស្ថានទូតប្រចាំកម្ពុជា ប្រតិបត្តិករបោសសម្អាតមីនជាតិ-អន្តរជាតិ និងថ្នាក់ដឹកនាំអាជ្ញាធរមីន ក្រោមកិច្ចសហការរវាង អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន និងមជ្ឈមណ្ឌលអន្តរជាតិហ្សឺណែវសម្រាប់ការបោសសម្អាតមីនមនុស្សធម៌ (GICHD) ជាមួយការគាំទ្រថវិកាពីក្រសួងការបរទេសនៃប្រទេសអៀរឡង់។