អង្គរក្សការពារ សម្តេចតេជោ ៤រូប ត្រូវបានដំឡើងឋានន្តរស័ក្តិពីផ្កាយ២ ទៅផ្កាយ៣

ភ្នំពេញ ៖ អង្គរក្ស៤រូប ដែលជាអ្នកការពារសម្តេចតេជោ ហ៊ុន សែន នាយករដ្ឋមន្ត្រីដោយផ្ទាល់នោះ ត្រូវបានព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់ដំឡើងឋានន្តរស័ក្តិពីឧត្តមសេនីយ៍ទោ (ផ្កាយ២) ទៅឧត្តមសេនីយ៍ឯក (ផ្កាយ៣)។

អង្គរក្សទាំង៤រូបនេះ រួមមាន៖ លោក ណាំ ភិរុណ, លោក ឡុង ដា, លោក អ៊ន សុទ្ធារ័ត្ន និងលោក ឃុត សុខុន។ នាយទាហានទាំង៤រូបនេះ ជាអ្នកបម្រើការងារនៅទីបញ្ជាការដ្ឋានកងអង្គរក្ស។ នាយទាហានទាំង៤រូបនេះ មានមាឌធំមាំ ហើយខ្ពស់។ ពួកលោកតែងការពារសម្តេចតេជោ ហ៊ុន សែន ដោយផ្ទាល់ទាំងនៅក្នុងប្រទេស ក៏ដូចជាពេលចេញទៅក្រៅប្រទេសផងដែរ៕