កំណាត់ផ្លូវខេត្ត ២៩៨ ប្រវែងជិត១៨គីឡូម៉ែត្រ ត្រូវបានមន្ទីរសាធារណការនិងដឹកជញ្ជូនខេត្តព្រះវិហារធ្វេីការជួសជុល ថែទាំឡេីងវិញ
ភ្នំពេញ៖ កំណាត់ផ្លូវខេត្ត ២៩៨ ប្រវែងជិត១៨គីឡូម៉ែត្រ ពីស្រះម្លិះដល់ឃុំទឹកក្រហម ស្រុកជាំក្សាន្ត ត្រូវបានមន្ទីរសាធារណការនិងដឹកជញ្ជូនខេត្តព្រះវិហារធ្វេីការជួសជុល ថែទាំឡេីងវិញ ដេីម្បីសម្រួលដល់ការធ្វេីដំណេីររបស់ប្រជាពលរដ្ឋ។
លោកសំ លាងទ្រី ប្រធានមន្ទីរសាធារណការនិងដឹកជញ្ជូនដឹកជញ្ជូនខេត្តព្រះវិហារ បានអោយដឹងថា៖
អនុវត្តតាមការណែនាំរបស់លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងលោកប្រាក់ សុវណ្ណ អភិបាលខេត្តព្រះវិហារ
នៅថ្ងៃសៅរ៍ ថ្ងៃទី១១ ខែមិថុនា ឆ្នាំ២០២២នេះ ក្រុមការងារថែទាំផ្លូវថ្នល់ នៃមន្ទីរសាធារណការនិងដឹកជញ្ជូនខេត្តព្រះវិហារ បានធ្វេីសកម្មភាពជួសជុល ថែទាំឡេីងវិញ ផ្លូវក្រាលក្រួសក្រហម កំណាត់ផ្លូវខេត្ត២៩៨ ប្រវែង១៧.៣៥គីឡូម៉ែត្រ ពីស្រះម្លិះ ដល់ឃុំទឹកក្រហម ស្រុកជាំក្សាន្ត ដោយធ្វេីការកៀរសម្រួល ស្រោចទឹក កិនបង្ហាប់ ដេីម្បីសម្រួលដល់ការធ្វេីដំណេីរនិងដឹកជញ្ជូនកសិផលនានារបស់ប្រជាពលរដ្ឋមានភាពងាយស្រួល។
លោកសំ លាងទ្រី ក៏បានសូមអោយបងប្អូនប្រជាពលរដ្ឋ បេីកបរដោយប្រុងប្រយ័ត្ន ប្រកបដោយស្មារតីទទួលខុសត្រូវខ្ពស់ ដេីម្បីជៀសវាងការកេីតឡេីងនូវករណីគ្រោះថ្នាក់ជាយថាហេតុផ្សេងៗ៕