លោក លាង មុនីរិទ្ធ៖ រាជរដ្ឋាភិបាលកម្ពុជា ចាត់ទុកវិស័យ ឯកជន ជាក្បាលម៉ាស៊ីន កំណើនសេដ្ឋកិច្ចជាតិ និងបានដើតួនាទី ដ៏សំខាន់ក្នុងការជំរុញ អភិវឌ្ឍន៏សេដ្ឋកិច្ចសង្គម និងអភិវឌ្ឍន៏ទីផ្សារការងារ

ភ្នំពេញ៖ លោក លាង មុនីរិទ្ធ រដ្ឋលេខាធិការ ក្រសួងដែនដីនគរូបនីយកម្ម និងសំណង់ បានបញ្ជាក់ថា៖ រាជរដ្ឋាភិបាលកម្ពុជា ចាត់ទុកវិស័យ ឯកជន ជាក្បាលម៉ាស៊ីន កំណើនសេដ្ឋកិច្ចជាតិ និងបានដើតួនាទី ដ៏សំខាន់ក្នុងការជំរុញ អភិវឌ្ឍន៏សេដ្ឋកិច្ចសង្គម និងអភិវឌ្ឍន៏ទីផ្សារការងារ ។
លោក លាង មុនីរិទ្ធ តំណាងដ៏ខ្ពង់ខ្ពស់ លោកជា សុផារ៉ា ឧបនាយករដ្ឋមន្ដ្រី រដ្ឋមន្ដ្រីក្រសួងដែនដីនគរូបនីយកម្ម និងំណង់ ក្នុងពិធី បើកសន្និបាតបូកសរុបការងារប្រចាំឆ្នាំ២០២២-និងបន្ដការ ងារឆ្នាំ២០២៣ របស់សមាគមន៏អ្នកសាងសង់កម្ពុជា និងតាំងពិព័រណ៏ឧស្សាហកម្ម២០២២ នៅមជ្ឈមណ្ឌលសន្និបាតកោះពេជ្រ ដោយមាន ការចូលរួមពី លោក ពុង ឃែវសែ ប្រធានសមាគន៏អ្នកសាងសង់កម្ពុជា និងលោក ស៊ុយ សេរិទ្ធ អភិបាលរងរាជធានីភ្នំពេញ កាលពីថ្ងៃទី០១ ធ្នូ ឆ្នាំ២០២២ ។
លោកលាង មុនីរិទ្ធ រដ្ឋលេខាធិការ ក្រសួងដែនដីនគរូបនីយកម្ម និងសំណង់ បានបញ្ជាក់ថា៖ រាជរដ្ឋាភិបាលកម្ពុជា បានចាត់ទុកវិស័យ ឯកជន ជាក្បាលម៉ាស៊ីន នៃកំណើនសេដ្ឋកិច្ចជាតិ និងបានដើតួនាទី ដ៏សំខាន់ក្នុងការជំរុញ អភិវឌ្ឍន៏សេដ្ឋកិច្ចសង្គម និងអភិវឌ្ឍន៏ទីផ្សារការងារ ជូនប្រជាពលរដ្ឋនៅក្នុងស្រុក ដ៏ច្រើនសន្ធឹកសន្ធាប់ នាប៉ុន្មានឆ្នាំចុងក្រោយនេះ ។

រាជរដ្ឋាភិបាលកម្ពុជា តាមរយៈយុទ្ធសាស្ដ្រចតុកោណ ដំណាក់កាលទី៤ បានផ្ដោតការយកចិត្ដទុកដាក់លើការពង្រឹង ការគ្រប់គ្រងនគរូបនីយកម្ម និងការអភិវឌ្ឍទីក្រុង ដែលមានបរិស្ថានរស់នៅល្អ ធានាគុណភាព សុវត្ថិភាព សុខមាលភាព និងប្រសិទ្ធភាពសង្គម សេដ្ឋកិច្ច តាមគោលការទីក្រុងឆ្លាត ។
ក្នុងគោលដៅអភិវឌ្ឍន៏ប្រកបដោយចីរភាព និងបរិយាបន្ន តាមរយៈការជំរុញ អភិវឌ្ឍន៏ និងអនុវត្ដ ពង្រឹងគោលនយោបាយ ច្បាប់ និងបដ្ឋានគតិយុត្ដ បដ្ឋានបច្ចេកទេស ការកសាងផែន ការរៀបចំផែនដី ប្លង់គោល ផែនការប្រើប្រាស់ដី ផ្សារភ្ជាប់យុទ្ធសាស្ដ្រ សេដ្ឋកិច្ចនិងហិរញ្ញវត្ថុទីក្រុង ជាមួយការអនុវត្ដ និងអភិវឌ្ឍនគរូបនីយកម្ម ។.

លោក ពុង ឃែវសែ ប្រធានសមាគន៏អ្នកសាងសង់កម្ពុជា បានបញ្ជាក់ថា៖ ឆ្នាំ២០២២នេះ ការរៀបចំឡើងវិញនូវការតាំងពិព័រណ៍ឧស្សហកម្មសំណង់កម្ពុជា-អន្តរជាតិ ពិតជាមានសារៈសំខាន់ណាស់សម្រាប់ក្រុមហ៊ុនដែលមានផលិត ផលសម្ភារៈ បរិក្ខារ ឧបករណ៍ និងគ្រឿងចក្រសំណង់ទំនើបៗ ដែលមានគុណភាពល្អ និងទើបបាននាំចូលថ្មីៗសម្រាប់ដាក់តាំងបង្ហាញក្នុងកម្មវិធីនេះដើម្បីជំរុញ នូវការលក់ និងផ្សព្វផ្សាយជូនវិនិយោគិន និងអ្នកអភិវឌ្ឍន៍ដែលជាអ្នកមានធុរកិច្ចលើវិស័យសំណង់ និងអចលនទ្រព្យក្នុង ស្រុកក្រោយពេលដែលរាជរដ្ឋាភិបាលបានបើកឱ្យដំណើរការប្រទេសឡើងវិញ និងកំពុងធ្វើការស្តារសេដ្ឋកិច្ចជាតិ ឡើងវិញនោះ។

លោកបន្ដថា៖ ឆ្នាំនេះដោយសារជំងឺឆ្លងកូវីដ.១៩ ទើបបានថមថយ និងមិនទាន់រលត់បាត់ទាំងស្រុងនៅឡើយ ហើយ នៅតាមបណ្តាប្រទេសមួយចំនួនក៍បានកើតឡើងវិញ។ ដូច្នេះការរៀបចំរបស់សមាគមឆ្នាំនេះយើងឃើញថាមាន ក្រុមហ៊ុនចំនួនតែ៧៩ ក្រុមហ៊ុនស្មើនឹង ១៥០ស្តង់ និងមានផលិតផលប្រមាណជាង ២០០០មុខ និងផ្នែកសេវា កម្មជាង ៥០ប្រភេទ បានចូលរួមនិងបានដាក់តាំងបង្ហាញក្នុងកម្មវិធីពិព័រណ៍នេះ ហើយផលិតផលទាំងនេះមាន ជាផលិតផលក្នុងស្រុក និងមានខ្លះជាផលិតផលដែលបាននាំចូលមកពីបណ្តាប្រទេសជាច្រើន ដូចជានាំចូល មកពីប្រទេស ចិន និងតំបន់តៃវ៉ាន់ វៀតណាម កូរ៉េ ថៃ ម៉ាឡេស៊ី បារាំង សឹង្ហបុរី ឥណ្ឌូនេស៊ី ជប៉ុន អាល្លឺម៉ង់ត៍ ស៊ុយអ៊ែត ឥណ្ឌា ។ល។ ប្រសិនបើយើងប្រៀបធៀបចំនួនក្រុមហ៊ុនដែលបានចូលរួមដាក់តាំងផលិតផល នៅឆ្នាំមុនៗ នៅមុនពេលការរីករាតត្បាតកូវីដ១៩ នោះឆ្នាំនេះគឺមានការធ្លាក់ចុះជិតពាក់កណ្ដាល ដោយសារមាន ក្រុមហ៊ុនបរទេសជាច្រើនបានអវត្តមានក្នុងការអញ្ជើញមកចូលរួមជាមួយសមាគមនៅក្នុងឆ្នាំនេះ ។ លោកមានសង្ឃឹម និង ជឿជាក់ថា៖ ក្រុមហ៊ុនជាច្រើនដែលបានអាក់ខានក្នុងឆ្នាំនេះនឹងអញ្ជើញមកចូលរួមឡើងវិញនៅឆ្នាំក្រោយៗទៀតមិនខាន ៕ សំរិត