អាជ្ញាធរពាក់ព័ន្ធ អំពាវនាវអោយ ប្រជាពលរដ្ឋដែលរស់នៅតាមដងស្ទឹងក្រាំងពន្លៃ មានការប្រុងប្រយ័ត្នឲ្យបានខ្ពស់ចំពោះជំនន់ទឹកភ្លៀង

កំពង់ឆ្នាំង៖ អាជ្ញាធរពាក់ព័ន្ធ អំពាវនាវអោយ ប្រជាពលរដ្ឋដែលរស់នៅតាមដងស្ទឹងក្រាំងពន្លៃ មានការប្រុងប្រយ័ត្នឲ្យបានខ្ពស់ចំពោះជំនន់ទឹកភ្លៀង។

នៅថ្ងៃទី ១២ មករា ២០២៣ នេះក្រសួងធនធានទឹក និងឧត្តុនិយមបានអោយដឹងថា ដោយសារភ្លៀងធ្លាក់ជាប់ៗ គ្នារយៈ៣ ថ្ងៃមក ក្រុមការងារមន្ទីរធនធានទឹក និងឧតុនិយមខេត្តកំពង់ស្ពឺ បានបើកទ្វារទឹកស្វ័យប្រវត្តិ អន្លុងជ្រៃ ចំនួន ០៥ទ្វារ ស្ថិតនៅស្រុកថ្ពក ខេត្តកំពង់ស្ពឺ និងស្រុកសាមគ្គីមានជ័យ ខេត្តកំពង់ឆ្នាំង ។
សូមបងប្អូនប្រជាពលរដ្ឋដែលរស់នៅតាមដងស្ទឹងក្រាំងពន្លៃ មានការប្រុងប្រយ័ត្នឲ្យបានខ្ពស់ ៕