មនុស្ស០៨នាក់បានស្លាប់ ក្នុងគ្រោះអគ្គិភ័យឆេះក្លឹនកម្សាន្ត នៅទួលគោក
ទួលគោក៖ គិតត្រឹមថ្ងៃទី០២ ខែកក្កដា សមត្ថកិច្ចបានរកឃើញជនរងគ្រោះដែលបាត់ជីវិតនៅក្នុងគ្រោះអគ្គិភ័យបន្ថែម២ទៀតជនរងគ្រោះដែលស្លាប់កើនឡើងរហូតដល់៨នាក់ហើយ ក្នុងនោះមានប្រុសចំនួន៥នាក់ ក្នុងស្រីចំនួន៣នាក់ជនជាតិចិន៥នាក់ និងមានជនជាតិខ្មែរម្នាក់ជាអ្នកបកប្រែផងដែរ ដែលស្ថិតនៅក្នុងសង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ។
សូមបញ្ជាក់ថាអគ្គិភ័យឆេះក្លឹបកម្សាន្ដមួយកន្លែង ដែលកើតហេតុតាំងពីម៉ោងជិត១៧ល្ងាច ថ្ងៃទី០១ ខែកក្កដា ឆ្នាំ២០២៣ម្សិលមិញ នៅសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ រហូតមកដល់ម៉ោង២០យប់នេះ មិនទាន់រលត់ទាំងស្រុងនៅឡើយទេ។
លុះព្រឹកឡេីងកម្លាំងនគរបាលរុករកតាមបន្ទប់ក៏ប្រទះឃេីញសពជនរងគ្រោះ២នាក់បន្ថែមទៀតក្នុងនោះស្រី១ និងប្រុស១ ធ្វេីអោយអ្នកស្លាប់ក្នុងគ្រោះអគ្គិភ័យខាងលេីកេីនឡេីង៨នាក់ ។
ដោយចំពោះមូលហេតុដែលបណ្ដាលឱ្យឆាបឆេះទីតាំងកើតហេតុ បណ្ដាលឱ្យមនុស្សមនុស្ស៨នាក់បាត់បង់ជីវិតយ៉ាងអាណោចអាធ័មនេះ នៅមិនទាន់ដឹងអំពីមូលហេតុនៅឡើយទេ ខណៈសមត្ថកិច្ចកំពុងតែធ្វើការស្រាវជ្រាវនៅឡើយ ។
បច្ចុប្បន្នសពជនរងគ្រោះ សមត្ថកិច្ចកំពុងតែធ្វើការត្រួតពិនិត្យស្រាវជ្រាវ ដើម្បីស្វែងរកមូលហេតុ ៕
