សម្ដេចតេជោ ហ៊ុន សែន អញ្ជើញបោះឆ្នោតរួចរាល់ហើយ នៅការិយាល័យ សាលាគរុកោសល្យវិក្រិត្យការ ក្រុងតាខ្មៅ

ខេត្តកណ្តាល ៖ នាព្រឹក ថ្ងៃទី២៣ ខែកក្កដា ឆ្នាំ២០២៣ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញទៅបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ នៅការិយាល័យបោះឆ្នោត សាលាគរុកោសល្យវិក្រិត្យការ ក្រុងតាខ្មៅ ខេត្តកណ្តាល ដោយមានការអញ្ជើញចូលរួមអមដំណើរដោយ ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាល និងបងប្អូនប្រជាពលរដ្ឋទូទាំងក្រុងតាខ្មៅ ។

សូមជម្រាបជូនថា ខេត្តកណ្តាល មានមណ្ឌលចំនួន៥៥៨ ស្មើនិង១៧៥៦ការិយាល័យបោះឆ្នោត ដោយឡែកនៅក្នុងក្រុងតាខ្មៅមានមណ្ឌលបោះឆ្នោតចំនួន៤០ ស្មើនិង១៦២ការិយាល័យ៕