មន្ទីរសាធារណការ ខេត្តព្រះវិហារ បាននិងកំពុងកាត់ចោះជួសជុលស្រទាប់គ្រឹះ លើកំណាត់ផ្លូវជាតិលេខ៦២ ប្រវែងជាង២០០គីឡូម៉ែត្រ
ព្រះវិហារ៖ ក្រុមការងារជួសជុល ថែទាំផ្លូវថ្នល់នៃមន្ទីរសាធារណការ និងដឹកជញ្ជូនខេត្តព្រះវិហារ បាននិងកំពុងធ្វេីសកម្មភាព កាត់ចោះជួសជុលស្រទាប់គ្រឹះ លើកំណាត់ផ្លូវជាតិលេខ៦២ ប្រវែងជាង២០០គីឡូម៉ែត្រ ដើម្បីសម្រូលចរាចរណ៍ជូនប្រជាពលរដ្ឋ ក្នុងការធ្វើដំណើរដឹកកសិផលផ្សេងៗ។
លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឱ្យដឹងថា៖នៅថ្ងៃសុក្រ ០៨រោច ខែបុស្ស ឆ្នាំថោះ បញ្ចស័កព.ស២៥៦៧ ត្រូវនឹងថ្ងៃទី២ខែ កុម្ភះ ឆ្នាំ២០២៤ ក្រុមការងារជួសជុល ថែទាំផ្លូវថ្នល់នៃមន្ទីរសាធារណការ និងដឹកជញ្ជូនខេត្តព្រះវិហារ កំពុងធ្វេីសកម្មភាពការងារថែទាំប្រចាំ ការងារកាត់ចោះជួសជុលស្រទាប់គ្រឹះ លើកំណាត់ផ្លូវជាតិលេខ៦២ ចាប់ពីចន្លោះគីឡូម៉ែត្រលេខ៣៦+២០០ ដល់គីឡូម៉ែត្រលេខ២៣៧+៧៦០ ដែលមានប្រវែងសរុប២០១.៥៦គ.ម ចាប់ពីព្រំប្រទល់ខេត្តកំពង់ធំ ដល់ជើងភ្នំប្រាសាទព្រះវិហារ ក្នុងស្រុកជាំក្សាន្ត ដេីម្បីសម្រួលដល់ការធ្វេីដំណេីរ និងដឹកជញ្ជូនទំនិញផ្សេងៗមានភាពងាយស្រួល។
លោកសំ លាងទ្រីសូមជូនពរការធ្វេីដំណេីរ ជិត ឆ្ងាយ របស់បងប្អូនជួបតែសុខសុវត្ថិភាព ពិសេសរាល់ពេលបេីកបរសូមចូលរួមគោរពច្បាប់ស្តីពីចរាចរណ៍ផ្លូវគោកទាំងអស់គ្នា៕