មន្ទីរសាធារណការ ខេត្តព្រះវិហារ បាននិងកំពុងធ្វើសកម្មភាពស្រោចកៅស៊ូឡើងវិញលើកំណាត់ផ្លូវជាតិលេខ៦២ ប្រវែង៥គីឡូម៉ែត្រឦក្នុងភូមិសាស្រ្តក្រុងព្រះវិហារ
ព្រះវិហារ៖ ក្រុមការងារជួសជុល ថែទាំផ្លូវថ្នល់ នៃមន្ទីរសាធារណការ និងដឹកជញ្ជូនខេត្តព្រះវិហារ បាននិងកំពុងធ្វើសកម្មភាពស្រោចកៅស៊ូឡើងវិញ(Reseal DBST) លើកំណាត់ផ្លូវជាតិលេខ៦២ ប្រវែង៥គីឡូម៉ែត្រស្ថិតនៅភូមិសាស្រ្តក្រុងព្រះវិហារ ដេីម្បីសម្រួលដល់ការធ្វេីដំណេីររបស់ប្រជាពលរដ្ឋ។
លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឱ្យដឹងថា៖នៅថ្ងៃសុក្រ ៨រោច ខែបុស្ស ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២ ខែកុម្ភៈ ឆ្នាំ២០២៤ ក្រុមការងារជួសជុល ថែទាំផ្លូវថ្នល់ នៃមន្ទីរសាធារណការ និងដឹកជញ្ជូនខេត្តព្រះវិហារ កំពុងធ្វើសកម្មភាពស្រោចកៅស៊ូឡើងវិញ(Reseal DBST) លើកំណាត់ផ្លូវជាតិលេខ៦២ ត្រង់ចន្លោះPK១៣២+០០០ ដល់ PK១៣៧+០០០ ប្រវែង៥គីឡូម៉ែត្រ ស្ថិតនៅភូមិសាស្រ្តក្រុងព្រះវិហារ ខេត្តព្រះវិហារ ដេីម្បីសម្រួលដល់ការធ្វេីដំណេីររបស់ប្រជាពលរដ្ឋ។
លោក សំ លាងទ្រី បានសូមជូនពរការធ្វេីដំណេីរ ជិត ឆ្ងាយ របស់បងប្អូនប្រជាពលរដ្ឋជួបតែសុខសុវត្ថិភាព ពិសេសរាល់ពេលបេីកបរសូមចូលរួមគោរពច្បាប់ ស្តីពីចរាចរណ៍ផ្លូវគោកទាំងអស់គ្នា៕