ថ្ងៃទី២នៃព្រះរាជពិធីបុណ្យអុំទូកមានបងប្អូនប្រជាពលរដ្ឋ យ៉ាងច្រើនកុះករចន្លោះពី៩០ទៅ១លាននាក់

ភ្នំពេញ៖ នាថ្ងៃទី២នៃព្រះរាជពិធីបុណ្យអុំទូក មានបងប្អូនប្រជាពលរដ្ឋ យ៉ាងច្រើនកុះករ កំពុងសប្បាយរីករាយ ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ក្រោមបរិយាកាសស្និតស្នាល កក់ក្តៅ និងសោមនស្សរីករាយក្រៃលែង។

មន្ត្រីអាជ្ញាធររាជធានីភ្នំពេញបានថ្លែងថា៖ ការមកកំសាន្តច្រើន នេះបង្ហាញឱ្យឃើញថា ប្រជាពលរដ្ឋមានជំនឿលើសន្តិភាព មានសេចក្តីកក់ក្ដៅក្នុងចិត្ត មានជីវភាពធូរធារ ទើបបងប្អូនមានលទ្ធភាព ចូលរួមទទួលយកនូវភាព សប្បាយយ៉ាងច្រើនសន្ធឹកសន្ធាប់៕