រថយន្ដស៊េរីទំនើប Jeep ពាក់ផ្លាកលេខ កម្ពុជា ឈ្មោះRATHA.76 បុកគ្នាជាមួយរថយន្ត TOYOTA Prius រួចបន្តទៅបុកម៉ូតូ ផ្ទុះឆេះសន្ធោរសន្ធៅឆេះអស់ទាំងស្រុង
ភ្នំពេញ៖រថយន្ដស៊េរីទំនើប Jeep ពាក់ផ្លាកលេខ កម្ពុជា RATHA.76 បេីកបុករថយន្ដ TOYOTA Prius ពាក់ផ្លាកលេខ ភ្នំពេញ 2VE-3962 រួចបន្តទៅបុកម៉ូតូ HONDA VARIO ពាក់ផ្លាកលេខ ភ្នំពេញ 1KM-7137 បណ្ដាលឲ្យរងការខូចខាត រួចរថយន្ដក៏មានការឆ្លងចរន្តអគ្គិសនីបង្កចេញជាអណ្ដាតភ្លើងឆាបឆេះយ៉ាងសន្ធោសន្ធៅរហូតបានអគ្គិភ័យឆាបឆេះអស់ទាំងស្រុកង។ ហេតុការណ៍នេះបានបង្កឲ្យមានការភ្ញាក់ផ្អើលកាលពីវេលាម៉ោង២:៣០នាទី រំលងអធ្រាត្រឈានចូល ថ្ងៃទី២៥ ខែកញ្ញា ឆ្នាំ២០២៥ ស្ថិតតាមបណ្ដោយផ្លូវណតប្រ៊ីត សង្កាត់អូរបែកក្អម ខណ្ឌសែនសុខ រាជធានីភ្នំពេញ។
ក្រោយពេលកេីតហេតុភាគីខាងរថយន្ដJeep បានធ្វេីការចរាចរដោះស្រាយនិងភាគីរថយន្ដ TOYOTA Prius រួមជាមួយភាគីម៉ូតូ ដេីម្បីបញ្ចប់រឿងនៅហ្នឹងកន្លែង។
ចំណែកឯរថយន្ដ Jeep សមត្ថកិច្ចយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញជាបណ្ដោះអាសន្នសិន៕
