សម្តេចបវរធិបតីអបអរសាទរខួបលើកទី២៧ទិវាមនុស្សចាស់កម្ពុជានិងទិវាមនុស្សចាស់អន្តរជាតិក្រោមប្រធានបទ៖ «វ័យចាស់ដោយសេចក្ដីថ្លៃថ្នូរ»

ភ្នំពេញ៖សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១ ខែតុលា ឆ ្នាំ២០២៥នេះ បានបង្ហោះសារអបអរសាទរខួបលើកទី២៧ ទិវាមនុស្សចាស់កម្ពុជា  និងទិវាមនុស្សចាស់អន្តរជាតិ ក្រោមប្រធានបទ៖ «វ័យចាស់ដោយសេចក្ដីថ្លៃថ្នូរ»។ 

សម្តេចលើកឡើងថា ការប្រារព្ធទិវានេះ មានគោលបំណងលើកកម្ពស់កិច្ចគាំពារដ៏មានប្រសិទ្ធភាព សំដៅលើកស្ទួយ សុខុមាលភាពរបស់មនុស្សវ័យចាស់ ឱ្យកាន់តែប្រសើរឡើង ហើយទិវានេះក៏បង្ហាញឱ្យឃើញអំពីតួនាទី ដ៏សំខាន់របស់មនុស្សវ័យចាស់ បុព្វការីជន ដែលបានបង្កើតធនធានដ៏មានសារប្រយោជន៍ព្រមទាំងផ្តល់នូវ ចំណេះដឹង ចំណេះធ្វើ និងបទពិសោធយ៉ាងច្រើនឥតគណនា សម្រាប់មនុស្សជំនាន់ក្រោយ៕