តាមរបាយការណ៍មួយថា៖នាយករដ្ឋមន្ត្រីថៃជំពប់ជើងដួលក្នុងអំឡុងពេលចុះពីឧទ្ធម្ភាគចក្រនៅទឹកដីថៃទល់មុខភូមិជោគជ័យ និងភូមិព្រៃចាន់ (កម្ពុជា)
ប្រទេសថៃ៖នៅរសៀលថ្ងៃទី ១០ ខែ តុលា ឆ្នាំ ២០២៥ ម្សិលមិញ មានរបាយការណ៍មួយបានលេចឡើងអំពីករណីលោកនាយករដ្ឋមន្ត្រីថៃ អានុតទីន ឆានវីរកូល (Anutin Charnvirakul) បានជំពប់ជើងដួលក្នុងអំឡុងពេលចុះពីឧទ្ធម្ភាគចក្រនៅទឹកដីថៃទល់មុខភូមិជោគជ័យ និងភូមិព្រៃចាន់ (កម្ពុជា)។
បន្ទាប់ពីហេតុការណ៍នេះ ព័ត៌មានបានផ្សព្វផ្សាយបន្តអំពីការបកស្រាយមួយបែបតាមជំនឿបុរាណ។ អាចារ្យមួយរូបដែលគេស្គាល់ថាជា «អាចារ្យផ្លុក (អាចារ្យខ្មោច)» បានធ្វើការវិភាគភ្ជាប់នឹងបាតុភូតចម្លែកនៅពេលយប់ ដូចជាសូរឆ្កែព្រុស និងការស្រែកលូរបស់ខ្មោចពេញភូមិនៅតំបន់នោះ។
តាមការទស្សន៍ទាយរបស់អាចារ្យផ្លុក ឧបទ្ទវហេតុរបស់នាយករដ្ឋមន្ត្រីបូករួមនឹងបាតុភូតអមនុស្សទាំងនេះ គឺជាប្រផ្នូលមិនល្អ។ គាត់បានសន្និដ្ឋានថា៖ «ប្រទេសសៀមកំពុងប្រឈមនឹងការរលាយរលត់ ព្រោះប្រទេសមួយបានឈានដល់ចំណុចដែលពោរពេញទៅដោយមន្ត្រីឆ្កួត, មនុស្សឆ្កួត, ហើយមួយចំនួនទៀតប្រៀបដូចជាឆ្កែ និងខ្មោច»។ ការសន្និដ្ឋាននេះបង្ហាញពីទស្សនៈរិះគន់យ៉ាងខ្លាំងចំពោះភាពវឹកវរផ្នែកនយោបាយ និងសីលធម៌ក្នុងជួរថ្នាក់ដឹកនាំប្រទេសថៃនាពេលបច្ចុប្បន្ន។
