ប្រធានមន្ទីរ៖ការជួសជុលផ្លូវខេត្តលេខ ២៦២៦ ដើម្បីបង្កើនសុវត្ថិភាពនិងងាយស្រួលក្នុងការធ្វើដំណើររបស់ប្រជាពលរដ្ឋ
ព្រះវិហារ៖កាលពីថ្ងៃទី ១០ ខែកុម្ភៈ ឆ្នាំ ២០២៦ ក្រុមការងារមន្ទីរសាធារណការ និងដឹកជញ្ជូនខេត្តព្រះវិហារ បានបន្តសកម្មភាពជួសជុលផ្លូវខេត្តលេខ ២៦២៦ ក្នុងភូមិសាស្ត្រស្រុកជាំក្សាន្ត។ការងារនេះមានគោលដៅបង្កើនល្បឿន និងសុវត្ថិភាពដល់ការធ្វើដំណើរ និងដឹកជញ្ជូនរបស់ប្រជាពលរដ្ឋមានភាពងាយស្រូល។
លោកសំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានបញ្ជាក់ថា៖ក្រុមការងារជួសជុលបានអនុវត្តការស្រោចសៀលកៅស៊ូ កន្លែងជួសជុលស្រទាប់គ្រឹះ សំបុកមាន់ ស្នាមប្រេះស្រុត នៅលើកំណាត់ផ្លូវខេត្តលេខ ២៦២៦ ត្រង់ចន្លោះគីឡូម៉ែត្រ គម ០០+០០០ ដល់ គម ០៥+៧០០។
លោកប្រធានបន្តថា៖មន្ទីរសាធារណការ និងដឹកជញ្ជូនខេត្តព្រះវិហារធ្វើការជួសជុលផ្លូវខេត្តលេខ ២៦២៦ ដើម្បីបង្កើនសុវត្ថិភាពនិងងាយស្រួលក្នុងការធ្វើដំណើររបស់ប្រជាពលរដ្ឋ។
ការជួសជុលផ្លូវខាងលើនេះជាផ្នែកមួយនៃផែនការថែទាំផ្លូវជាប្រចាំ ដើម្បីធានាថាផ្លូវនៅតែមានគុណភាពល្អ និងអាចប្រើប្រាស់បានយូរអង្វែង៕
