ឡានស្ទួច កៅឆាយបុកបង្កាន់ ស្ពានអ្នកលឿងទាំងព្រឹក
ព្រៃវែង៖ ករណីគ្រោះថ្នាក់ចរាចរមួយកេីតឡេីង នៅលេីស្ពានអ្នកលឿង គឺឡានស្ទួចមួយគ្រឿង បានបេីកបុកបង្កាន់ដៃស្ពានអ្នកលឿងខូចខាត បាក់បង្កាន់ដៃ។
មន្ត្រីនគរបាលចរាចរណ៍ផ្លូវគោក បានបញ្ជាក់ថា ហេតុការណ៍នេះកេីតឡេីងប្រហែលម៉ោង៤ទៀបភ្លឺថ្ងៃទី១៥ ខែមករាឆ្នាំ២០១៩ មានរថយន្តស្ទួចមួយគ្រឿងស្លាកលេខ ភ្នំពេញ5A- 0521 ធ្វេីដំណេីរពីកេីតទៅលិចឡេីងស្ពាន ដែលអ្នកបេីកបរប្រហែលជាងងុយដេក ឬ អាចមកពីរថយន្តស្ទួចនោះ មានបញ្ហា ទេីបជ្រុលទៅបុកបង្កាន់ដៃស្ពានបែបនេះ។
រហូតដល់ម៉ោង៨កន្លះព្រឹកថ្ងៃដដែល មិនទាន់ដោះស្រាយបែបណានៅឡេីយ គឺឃេីញត្រឹមតែមន្ត្រីសាធារណការ និងមន្ត្រីចរាចរណ៍ផ្លូវគោក មកពិនិត្យកន្លែងកេីតហេតុតែប៉ុណ្ណោះ ព្រោះមិនទាន់ដឹងថា ជនបង្ក និងឡាននេះជារបស់បុគ្គល ឬក្រុមហ៊ុនណានៅឡេីយ។ នគរបាលបាននិយាយថា វិធានការបន្ទាប់ គឺមានតែអូសយករថយន្តបង្ក ទៅការិយាល័យចរាចរណ៍ ដើម្បីដោះស្រាយ៕