រថយន្តមន្ត្រីយោធាម្នាក់ បើកមិនគោរភ្លើងស្តុបក្រហម បុកមនុស្សម្នាក់ឲ្យរងរបួសធ្ងន់
បន្ទាយមានជ័យ៖ រថយន្តមន្ត្រីយោធាម្នាក់ បើកមិនគោរពភ្លើងស្តុបពណ៌ភ្លើងក្រហម នៅតែជម្នះទៅមុខ បណ្តាលឲ្យបុកម៉ូតូ ដែលកំពុងបើកដោយបុរសវ័យជិត៦០ឆ្នាំម្នាក់ បានរងរបួសធ្ងន់ ស្ថិតនៅចំណុចភ្លើងស្តុប ស្រុកស្វាយចេក ខេត្តបន្ទាយមានជ័យ ។ ហេតុការណ៍នេះ បានកើតឡើងនៅថ្ងៃទី១៥ ខែមករា ឆ្នាំ២០១៩ នៅវេលាម៉ោង១១និង២០នាទី ។
យោងតាមរបាយការណ៍ពី លោកវរសេនីយ៍ឯក ជា ស្លូញ អធិការនគរបាលស្រុកស្វាយចេកបានឲ្យដឹងថា ៖ មានគ្រោះថ្នាក់ចរាចរមួយបានកើតឡើង រវាងរថយន្តបុក ម៉ូតូរួចបន្តទៅបុករថយន្តមួយគ្រឿងទៀត ក្នុងទិសដៅផ្ទុយគ្នាចំណុចភ្លើងស្តុប លើផ្លូវជាតិលេខ៥៦A ក្នុងភូមិស្ទឹង ឃុំរលួស ស្រុកស្វាយចេក ខេត្តបន្ទាយមានជ័យ។ គ្រោះថ្នាក់នេះបង្កឡើងដោយរថយន្តមួយគ្រឿងម៉ាកឌីមិច ពណ៌ត្រេអ៊ី ផ្លាក់លេខ ខ.ម 0847 បើកបរដោយមន្ត្រីយោធាម្នាក់ឈ្មោះ ណុំសុគា ភេទប្រុស អាយុ៣២ ឆ្នាំរស់នៅភូមិសែនរុងរឿង១ ឃុំទឹកក្រហម ស្រុកជាំក្សាន្ត ខេត្តព្រះវិហា ។ ជនសង្ស័យ បើកបរពីជើងទៅត្បូង មកដល់ចណុចភ្លើងស្តុបមានភ្លើងក្រហម មិនព្រមឈប់ នៅតែទៅមុខ បានទៅបុកម៉ូតូគ្រឿមួយ និងជ្រុលទៅបុករថយន្តមួយគ្រឿងទៀត ម៉ាកហុងដាឌ្រីមC125ពណ៌ខ្មៅ ស៊េរីឆ្នាំ2012 ពាក់ស្លាកលេខ 1G:8620 បន្ទាយមានជ័យ បើកបរដោយឈ្មោះ នូវ ព្រឿន ភេទប្រុស អាយុ៥៩ឆ្នាំ រស់នៅភូមិពន្សាយជើង ឃុំស្វាយចេកស្រុកស្វាយចេក ខេត្តបន្ទាយមានជ័យ បានបើកបរឆ្លងផ្លូវពីលិចទៅកើត រួចរថយន្តនោះបន្តទៅបុករថយន្តមួយគ្រឿងទៀត ម៉ាក់កាមរីពណ៌ស្លែស៊េរីឆ្នាំ1992 (ដែលឈប់ចាំភ្លើងស្តុបពណ៌ក្រហម) ដើកបរដោយឈ្មោះ ដន ស ភេទប្រុស អាយុ៥៥ឆ្នាំ មានទីលំនៅភូមិតាបែន ឃុំតាបែន ស្រុកស្វាយចេក ខេត្តបន្ទាយមានជ័យ។ សមត្ថកិច្ចបានបន្តថា ក្នុងករណីនេះ បណ្ដាលឲ្យឈ្មោះ នូវ ព្រឿន របួសបែកក្បាល(ធ្ងន់)នឹងបាក់កជើងឆ្វេង បញ្ជូនទៅសង្គ្រោះនៅមន្ទីពេទ្យemerjence។ សម្ភារ ម៉ូតូទខូចខាតធ្ងន់រថយន្តទាំងពីរ ខូចខាតស្រាលយករក្សាទុក នៅអធិកាស្រុកស្វាយចេក។
បច្ចុប្បន្ន ជនសង្ស័យកម្លាំងនគរបាលជំនាញបាន នាំមកសួរនាំនៅអធិការដ្ឋាននគរបាលស្វាយចេក៕
