បង្ក្រាប សារធាតុញៀន នៅផ្ទះសំណាក់១៩ ឃាត់ខ្លួន ៩នាក់នឹងដកហូតវត្ថុតាងមួយចំនួន និងកាំភ្លើងខ្លី
(ភ្នំពេញ)៖ កម្លាំងការិយាល័យប្រឆាំងគ្រឿងញៀនចុះបង្ក្រាបករណីជួញដូរជាក់ស្ដែងនូវសារធាតុញៀនខុសច្បាប់នៅចំណុចផ្ទះសំណាក់១៩ឃាត់ខ្លួនប្រុសស្រីចំនួន៩នាក់នឹងដកហូតបានសម្ភារៈមួយចំនួនធំ ហេតុការណ៍នេះបានបង្កឲ្យមានការផ្ញាក់ផ្អើលឡើងកាលពីវេលាម៉ោងជាង៨យប់ថ្ងៃសុក្រទី២៥ខែមករាឆ្នាំ២០១៩ដែលមានទីតាំងស្ថិតនៅចំណុចផ្ទះសំណាក់១៩ផ្លូវលេខ៤៦០ក្រុម៤សង្កាត់ទួលទំពូងទី១ខណ្ឌចំការមនក្រុងភ្នំពេញ។
ដោយមានការបញ្ជាផ្ទាល់តាមតាមរយៈទូរសព្ទពីលោក ហេង ផេង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញនិងការចូលរួមផ្ទាល់ពីលោក ទេព សុវាត្តិ ជាក្រឡាបញ្ជីអមផងឲ្យមន្ត្រីអនុវត្តច្បាប់ការិយាល័យប្រឆាំងគ្រឿងញៀនរាជធានីភ្នំពេញបានចុះបង្ក្រាបជាក់ស្ដែងនូវករណីជួញដូរដោយខុសច្បាប់នូវសារធាតុញៀននៅចំណុចផ្ទះសំណាក់១៩(មុនីកា)បានធ្វើការបង្ក្រាបនិងចាប់យកវត្ថុតាងមួយចំនួនរួមមាន៖
១.ក្រាមពណ៌សថ្លាសង្ស័យជាគ្រឿងញៀនចំនួន២កញ្ចប់ថង់
២.ឧបករណ៍សម្រាប់ប្រើប្រាស់គ្រឿងញៀនចំនួន២
៣.ដេកកេះជ័រចំនួន៣
៤.ទូរសព្ទដៃចំនួនមួយគ្រឿងពីឈ្មោះ លីវ មាយ៉ា ភេទស្រីអាយុ១៩ឆ្នាំ។
និងដោយបានការសម្រេចពីលោកព្រះរាជអាជ្ញារង ហេងផេងឲ្យធ្វើការឆែកឆេរបន្ទប់ផ្សេងៗទៀតនៃផ្ទះសំណាក់១៩ដោយរកឃើញសម្ភារៈមួយចំនួនរួមមាន៖
១. បន្ទប់លេខ១១ដកហូតសម្ភារៈរួមមាន៖
. ឧបករណ៍សម្រាប់ប្រើប្រាស់គ្រឿងញៀនចំនួនមួយ
. ដេកកេះជ័រចំនួន២
ឃាត់ខ្លួនមនុស្សចំនួនពីរនាក់( តាំង ឈុងប៊ួយ ភេទស្រីអាយុ៣០ឆ្នាំ - អ៊ុន សាវេតថានិត ភេទស្រីអាយុ២០ឆ្នាំ)
២.បន្ទប់លេខ១២ដកហូតសម្ភារៈរួមមាន៖
. ឧបករណ៍សម្រាប់ប្រើប្រាស់គ្រឿងញៀនចំនួនមួយ
. ដេកកេះជ័រចំនួន៣
.ទូរសព្ទចំនួនពីរគ្រឿងនិងមនុស្សចំនួន១នាក់ឈ្មោះ លី វិបុល ភេទប្រុសអាយុ៣២ឆ្នាំ
៣.បន្ទប់លេខ២១ដកហូតសម្ភារៈរួមមាន៖
. ឧបករណ៍សម្រាប់ប្រើប្រាស់គ្រឿងញៀនចំនួនមួយ
. ដេកកេះជ័រចំនួន២
៤.បន្ទប់លេខ២២ដកហូតសម្ភារៈរួមមាន៖
. ឧបករណ៍សម្រាប់ប្រើប្រាស់គ្រឿងញៀនចំនួនមួយ
.អាវុធខ្លីមួយដើមម៉ាកK59បង់មួយ គ្រាប់ចំនួន៨ លេខ៨៧៧៨និងមនុស្សចំនួនបួននាក់មានឈ្មោះដូចខាងក្រោម៖
ឈ្មោះ សួនកុម្ភៈ ភេទប្រុស អាយុ២០ឆ្នាំ
ឈ្មោះ សៀ សុថុនា ភេទប្រុសអាយុ១៩ឆ្នាំ
ឈ្មោះ ហ៊ាង ផល្លី ភេទប្រុសអាយុ២៤ឆ្នាំ
ឈ្មោះ ហ៊ួរ សីហា ភេទប្រុសអាយុ២៩។
ក្រោយពីការឆែកឆេររួចដោយបានការសម្រេចពីលោក ហេង ផេង ឲ្យនាំខ្លួនជនសង្ស័យចំនួន៩នាក់ទៅការិយាល័យប្រឆាំងគ្រឿងញៀនរួមមាន៖
១ ឈ្មោះ លីវមាយ៉ា ភេទស្រីអាយុ១៩ឆ្នាំ
២ ឈ្មោះ តាំង ឈុងប៊ួយ ភេទស្រីអាយុ២០ឆ្នាំ
៣ឈ្មោះ អ៊ុន សាវេតថានិត ភេទស្រីអាយុ២០ឆ្នាំ
៤ឈ្មោះ លី វិបុល ភេទប្រុសអាយុ៣២ឆ្នាំ
៥ឈ្មោះ សួន កុម្ភៈ ភេទប្រុសអាយុ២០ឆ្នាំ
៦ឈ្មោះ សៀ សុថុនា ភេទប្រុសអាយុ១៩ឆ្នាំ
៧ឈ្មោះ ហ៊ាង ផល្លី ភេទប្រុសអាយុ២៤ឆ្នាំ
៨ឈ្មោះ ហ៊ួរ សីហា ភេទប្រុសអាយុ២៩ឆ្នាំ
៩ឈ្មោះ អៀង សុខឡា ភេទប្រុសអាយុ៣១ឆ្នាំ។
បន្ទាប់ពីមានការនាំខ្លួនអ្នកទាំង៩នាក់នោះរួចក៏មានការបិទទ្វារនៅចំណុចទីតាំងផ្ទះសំណាក់១៩ខាងលើនេះជាបណ្ដោះអាសន្ននឹងប្រគល់ឲ្យអជ្ញាធរមូលដ្ឋានដើម្បីធ្វើការគ្រប់គ្រងផងដែរ ៕