ដាស់តឿនមន្ត្រីរាជការក្នុងរដ្ឋបាលខណ្ឌ ដើម្បីផ្តល់សេវាសាធារណៈជូនប្រជាពលរដ្ឋឱ៌្យទាន់ពេលវាលា

ភ្នំពេញ៖លោក ហែម ដារិទ្ធិ អភិបាលខណ្ឌពោធិ៍សែនជយ័ នារសៀលថ្ងៃទី២៣ ខែមេសា ឆ្នាំ២០១៩នេះ បានបើកកិច្ចប្រជុំជាមួយមន្ត្រីក្រោមឱវាទក្នុងគោលបំណងពង្រឹងបន្ថែមនូវតួនាទីភារកិច្ចរបស់មន្ត្រីរាជការក្នុងរដ្ឋបាលខណ្ឌ ដើម្បីផ្តល់សេវាសាធារណៈជូនប្រជាពលរដ្ឋអោយទាន់ពេលវាលា ។
ក្នុងកិច្ចប្រជុំនោះបន្ថែមពីលើនេះលោកអភិបាលខណ្ឌបានសំណូមពរដល់មន្ត្រីទាំងអស់ គោរពអោយបាននូវបទបញ្ជាផ្ទៃក្នុង ក្រមសិលធម៌ ឯកសណ្ឋាន ពេលវេលាបំពេញការងារ គោរពទង់ជាតិរៀងរាល់ថ្ងៃច័ន្ទ ចូលរួមវេនប្រចាំការតាមកំណត់ និងពាក់ស្លាកសម្គាល់ខ្លួន និងតួនាទីអោយបានត្រឹមត្រូវរាល់ពេលបំពេញការងារ។

ជាមួយគ្នានោះលោកហែម ដារិទ្ធិ បានបញ្ជាក់ទៀតថាៈ ចំពោះមន្ត្រីដែលមិនគោរពវិន័យ តាមលក្ខន្តិកៈមន្ត្រីរាជាការស៊ីវិល រឺការណែនាំរបស់រដ្ឋបាលខណ្ឌ នឹងត្រូវទទួលទណ្ឌកម្មខាងវិន័យ ដែលមានការកំណត់ស្រាប់ក្នុងកិច្ចសន្យាការងារ និងលក្ខន្តិកៈមន្ត្រីរាជការស៊ីវិល៕