ជនស័ង្សយពាក់ព័ន្ឋក្នុងករណីសម្លាប់មិត្តភក្តិតប្លន់យកម៉ូតូម្នាក់ទៀតត្រូវតាមចាប់ខ្លួនបានម្នាក់ទៀតរហូតដល់ខេត្តកំពង់ធំ
ដោយអនុវត្តតាមបទបញ្ជារបស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងអនុវត្តតាមដីកាបញ្ជាឲ្យចូលខ្លួនរបស់លោក គី ប៊ុណ្ណរ៉ា ព្រះរាជអាជ្ញារងអមសាលាដំបូងខេត្តបាត់ដំបង លោកឧត្តមសេនីយ៍ត្រី ជេត វណ្ណនី ស្នងការរងផែនព្រហ្មទ័ណ្ឌនៃស្នងការដ្ឋាននគរបាលខេត្តបាត់ដំបង បានដឹកនាំកម្លាំងក្នុងផែនជំនាញ រួមគ្នាមួយកម្លាំងនគរបាលនៃអធិការនគរបាលស្រុកមោងឫស្សីដែលមានលោកវរសេនីយ៍ត្រី ស គឹមឡុងជាអធិការនគរបាលស្រុកសហការណ៍ជាមួយព្រះរាជអាជ្ញាអមសាលាដំបូងខេត្តកំពង់ធំនិងសមត្ថកិច្ចនគរបាលខេត្តកំពង់ធំតាមស្វែងរកជនស័ង្សយម្នាក់ទៀ️កាលពីថ្ងៃទី ១២ ខែ មិថុនា ឆ្នាំ២០១៩ នៅស្រុកសន្ទុកខេត្តកំពង់ធំ ក្នុងចំណោមបក្សពួក០៣នាក់ដែលពាក់ព័ន្ឋក្នុងករណីសម្លាប់មិត្តភ័ក្រ្តក្នុងពេលផឹកស៊ីឈ្មោះ ម៉ិល សុខុម ប្លន់យកម៉ូតូនិងទូរស័ព្ទដៃកាលពីថ្ងៃទី ៥ ខែមិថុនា ឆ្នាំ២០១៩ នៅឃុំគារ ស្រុកមោងឫស្សី ខេត្តបាត់ដំបង ។
ជនស័ង្សយជាមុខសញ្ញាពាក់ព័ន្ឋរូបនេះឈ្មោះ យួម យឿតភេទប្រុស អាយុ៣៣ឆ្នាំរស់នៅភូមិរការឈ្មោល ឃុំគារស្រុកមោងឫស្សី ខេត្តបាត់ដំបង ជាជនស័ង្សយ ទី០៣ត្រូវបានសមត្ថកិច្ចនគរបាលខេត្តបាត់ដំបងតាមចាប់ខ្លួនរហូតដល់ស្រុកសន្ទុក ខេត្តកំពង់ធំ បន្ទាប់ពីជនស័ង្សយរូបនេះបានរត់គេចខ្លួនពីមូលដ្ឋានមួយរយ:កន្លងមក។
សូមបញ្ជាក់ថា ពីថ្ងៃទី ១០ ខែ មិថុនា ឆ្នាំ ២០១៩នេះកម្លាំងនគរបាលក្នុងផែនសហការណ៍ជាមួយសមត្ថកិច្ចនគរបាលនាយកដ្ឋានជំ នាញនៃអគ្គស្នងការដ្ឋាននគរបាលជាតិ កម្លាំងនគរបាលនៃអធិការដ្ឋាននគរបាលស្រុកមោងឫស្សី ស្រុករុក្ខគីរី ស្រុកគាស់ក្រឡ និងស្រុកសំឡូត បានធ្វើការស្រាវជ្រាវរហូតឈានទៅធ្វើការឃាត់ខ្លួនបានជន សង្ស័យចំនួន ០២ នាក់ភេទប្រុស ដែលជាជនដៃដល់ក្នុងករណីសម្លាប់មិត្តភ័ក្រ្តរបស់ខ្លួនក្នុងវង់ផឹកស៊ី ដើម្បីប្លន់យកទ្រព្យសម្បត្តិកាលពីយប់ថ្ងៃទី ៥ ខែ មិថុនា ឆ្នាំ ២០១៩ នៅស្រុកមោងឫស្សី ខេត្តបាត់ដំបង។
លោកឧត្តមសេនីយ៍ត្រី ជេត វណ្ណនី បានបញ្ជាក់ថា កាលពីព្រឹកថ្ងៃទី ៧ ខែ មិថុនា ឆ្នាំ ២០១៩ មានការភ្ញាក់ផ្អើលមួយនៅក្នុងក្រុម ទី១២ភូមិរកាឈ្មោល ឃុំគារ ស្រុកមោងឫស្សី ខេត្តបាត់ដំបង ដោយប្រជាពលរដ្ឋបានប្រទះឃើញសាកសពបុរសម្នាក់អណ្តែតក្នុងទឹកស្រះមួយកន្លែង ហើយបានរាយការណ៍ជូនសមត្ថកិច្ចនគរបាលមូលដ្ឋាន ។
ឆ្លងតាមរយៈការពិនិត្យធ្វើកោសល្យវិច័យ
លើសាកសព និងស្រាវជ្រាវជំហ៊ានដំបូងទើបដឹងថា ជនរងគ្រោះមានឈ្មោះ ម៉ិល សុខុម ភេទប្រុស អាយុ ២២ឆ្នាំ រស់នៅភូមិប្រឡាយស្តៅ ឃុំតាលាស់ ស្រុកមោងឫស្សី ខេត្តបាត់ដំបង មានមុខរបរមិនពិតប្រាដក និងមានស្លាកស្នាមរបួសនៅផ្នែកក្បាលដោយអន្លើផង ។ ជាមួយនឹងការបាត់បង់ជីវិតនេះ ក៏បានដឹងផងដែរថា ទ្រព្យសម្បត្តិជាប់នឹងខ្លួនមួយចំនួន ដូចជាម៉ូតូ និងទូរស័ព្ទផងដែលជារបស់ជនរងគ្រោះក៏ត្រូវបាត់បង់ ចាប់ផ្តើមពីចំណុចនេះ និងអនុវត្តនូវបទបញ្ជារបស់លោក ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង សមត្ថកិច្ចនគរបាលបើកការស្រាវជ្រាវស៊េីបអង្កេតជាបន្ទាន់រហូតកំណត់បាននូវមុខសញ្ញាស័ង្សយក្នុងករណីនេះ ។
លោកវរសេនីយ៍ត្រី ស គឹមឡុង អធិការនគរបាលស្រុកមោងឫស្សីបានបញ្ជាក់ថា ក្រោយពេលធ្វើ ការកំណត់អំពីមុខសញ្ញាដែលពាក់ព័ន្ឋក្នុងករណីនេះលោកបានសហការណ៍ធ្វើការស្រាវជ្រាវលើភូមិសាស្រ្តស្រុកចំនួន០៤គឺស្រុកមោងឫស្សី ស្រុករុក្ខគីរី ស្រុកគាស់ក្រឡ និងស្រុកសំឡូត ក្រោមការដឹកនាំផ្ទាល់ពីលោកឧត្តមសេនីយ៍ត្រី ជេត វណ្ណនី រហូតដល់ថ្ងៃទី ១០ ខែ មិថុនា ឆ្នាំ ២០១៩ ជនស័ង្សយត្រូវបានឃាត់ខ្លួនក្នុងភូមិសាស្រ្តស្រុកគាស់ក្រឡ បន្ទាប់ពីពួកគេគេចខ្លួនចូលដល់ភូមិសាស្រ្តស្រុកសំឡូតរួចមក ។
លោកឧត្តមសេនីយ៍ត្រី ជេត វណ្ណនី បានឲ្យដឹងបន្ថែមថា នៅចំពោះមុខសមត្ថកិច្ចនគរបាល ជនស័ង្សយចំនួន០២នាក់នោះគឺ៖
១-ឈ្មោះ ណែត សុបិន្ត ភេទប្រុស អាយុ ២៨ឆ្នាំ រស់នៅភូមិរកាឈ្មោល ឃុំគារស្រុកមោងឫស្សី ខេត្តបាត់ដំបង
២-ឈ្មោះ ឯក ស៊ីណាត ភេទប្រុស អាយុ៣១ឆ្នាំ រស់នៅភូមិចាមរអា ឃុំព្រៃស្វាយ ស្រុកមោងឫស្សី ខេត្តបាត់ដំបង
នៅចំពោះមុខសមត្ថកិច្ចជនស័ង្សយបានឆ្លើយសារភាពថា ពួកគេពិតជាបានសម្លាប់មិត្តភ័ក្រ្តរបស់ខ្លួនឈ្មោះ ម៉ិល សុខុម ភេទប្រុស កាលពីថ្ងៃទី ៥ខែ មិថុនា ឆ្នាំ ២០១៩ ក្នុងពេលបបួលមកផឹកស៊ីដើម្បីប្លន់យកទ្រព្យសម្បត្តិពិតប្រាកដមែនដោយប្រើប្រាស់ញញួរនិងដែកវាយក្បាលសម្លាប់ ហេីយសែងទម្លាក់ចូលទឹកស្រះក្នុងភូមិក្បែរកន្លែងកើតហេតុមុនពេលពួកគេរត់គេចខ្លួនពីមូលដ្ឋាន។
ក្នុងកិច្ចប្រតិបត្តិការបង្រ្កាបនេះសមត្ថកិច្ចនគរបាលដកហូតបាន៖(ម៉ូតូចំនួន ០១គ្រឿង ដែលជារបស់ជនរងគ្រោះគឺម៉ូតូម៉ាកហុងដាឌ្រីមសេរីឆ្នាំ ២០១៦ ទូរស័ព្ទដៃម៉ាកសាំស៊ុងចំនួន ០២គ្រឿង បន្ទះស្លាកលេខម៉ូតូចំនួន០១មានលេខ បាត់ដំបង 1X-1539 ព្រមទាំងញញួរ ដែកនិងកាំបិតផង។
ជនស័ង្សយរូបនេះត្រូវបានរៀបចំសំណុំរឿងបញ្ជូនទៅសាលាដំបូងខេត្តបាត់ដំបងចាត់ការតាមផ្លូវច្បាប់៕
