មន្ទីរសាធារណការបានធ្វើសកម្មភាពជាតិសម្អាតរុក្ខជាតិតាមសង្ខាងផ្លូវលេខ៦៤ប្រវែងជាង៥០គីឡូម៉ែត្រក្នុងភូមិសាស្ត្រស្រុកគូលែន ដើម្បីសម្រួលចរាចរណ៍ ជូនប្រជាពលរដ្ឋ
ខេត្តព្រះវិហារ៖ក្រុមការងារនៃមន្ទីរសាធារណការនិងដឹកជញ្ជូនខេត្តព្រះវិហារបានធ្វើសកម្មភាពសម្អាតរុក្ខជាតិតាមសង្ខាងផ្លូវ(កាត់ស្មៅ) លើកំណាត់ផ្លូវជាតិលេ៦៤ប្រវែង ជាង៥០គីឡូម៉ែត្រក្នុងភូមិសាស្ត្រស្រុកគូលែនដើម្បីសម្រួលចរាចរណ៍ជូនប្រជាពលរដ្ឋ។
លោកសំលាងទ្រីប្រធានមន្ទីរសាធារណការនិងដឹកជញ្ជូនខេត្តព្រះវិហារបានមានអោយដឹងថានៅថ្ងៃទី១៤មិថុនា២០១៩នេះក្រុមការងារថែទាំផ្លូវថ្នល់ របស់មន្ទីរសាធារណការ និងដឹកជញ្ជូនខេត្តព្រះវិហារ បានសម្អាតរុក្ខជាតិសង្ខាងផ្លូវ(កាត់ស្មៅ) លើកំណាត់ផ្លូវជាតិលេ៦៤ប្រវែង ៥២,១៥គ.មក្នុងភូមិសាស្ត្រស្រុកគូលែន ខេត្តព្រះវិហារ ដោយចាប់ពីគីឡូម៉ែត្រ៦០+០០០ដល់គីឡូម៉ែត្រ១១២+១៥០ជាលទ្ធផលសម្រេចបាន១០០%ហើយ។
មន្ទីរសាធារណការនិងដឹកជញ្ជូនខេត្តព្រះវិហារក្រោមការដឹកនាំរបស់លោកសំលាងទ្រីជាប្រធានមន្ទីរគឺបានចាត់ចែងក្រុមការងារនិងមន្ត្រីជំនាញចុះមើលផ្លូវរហូតដើម្បីធ្វើការថែទាំនិងជួសជុលហើយក្រុមការងារនេះក៏មិនដែរមានពេលទំនេរគឺនៅបានធ្វើសកម្មភាពសម្អាតរុក្ខជាតិតាមសង្ខាងផ្លូវ(កាត់ស្មៅ)ថែមទៀតដើម្បីសម្រួលចរាចរណ៍ជូនប្រជាពលរដ្ឋ៕