កម្លាំងអាវុធហត្ថខេត្តរតនគិរី ឃាត់ម៉ូតូកែច្នៃ ០២គ្រឿង ដឹកឈើខុសច្បាប់ និងបានដុតបំផ្លាញចោល!
រតនគិរី៖ នៅវេលាម៉ោង ១៥ និង ០០នាទី ថ្ងៃទី២៩ ខែកក្កដា ឆ្នាំ២០១៩ កម្លាំងមូលដ្ឋាន កងរាជអាវុធហត្ថ ស្រុកអូរយ៉ាដាវ ខេត្តរតនគិរី ដឹកនាំដោយលោក វរសេនីយ៍ត្រី សុខ មិន មេបញ្ជការស្រុក បានបង្ក្រាប ផលអនុផលព្រៃឈើ នៅចំណុចភូមិ សោមត្រក ឃុំសោមធំ ស្រុកអូរយ៉ាដាវ ខេត្តរតនគិរី ដោយរឹបអូរឈើសុក្រម, កកោះ និងម៉ូតូកែច្នៃ ០២គ្រឿង វត្ថុតាងឈើ ត្រូវបានកម្លាំងធ្វើការប្រគល់ឱ្យសង្កាត់រដ្ឋបាលព្រៃឈើស្រុកអូយ៉ាដាវចាត់ការបន្តតាមនីតិវិធី ចំណែកម៉ូតូកម្លាំងបានដុលបំផ្លាញចោល។
