ការ​តៀមរួចជាស្រេច​ នៅតាមមណ្ឌល សម្រាប់ការប្រឡងថ្ងៃទី២

គណៈកម្មការប្រឡង បាន​ត្រៀមរៀបចំ​រួច​ជាសម្រេច នៅតាមមណ្ឌលប្រឡងនីមួយៗ ក្រោយហឹបវិញ្ញាសាត្រូវបាន ដឹកមកដល់មណ្ឌលប្រឡង និងសកម្មភាពបេក្ខជន ចូលក្នុងមណ្ឌលប្រឡងព្រឹកថ្ងៃទី២០ សីហា ២០១៩ ដោយមានការត្រួតពិនិត្យ និងផ្ទៀងផ្ទាត់យ៉ាងយកចិត្តទុកដាក់ពី សំណាក់គណៈមេប្រយោគ អាជ្ញាធរមានសមត្ថកិច្ច នៅព្រឹកថ្ងៃទី០២ នៃដំណើរការសំណេរប្រឡង សញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង៖ ២០ សីហា ២០១៩។ ចំពោះដំណើរការសំណេរនាព្រឹកនេះ មានពីរមុខវិជ្ជា សម្រាប់ថ្នាក់វិទ្យាសាស្ត្រ ( អក្សរសាស្ត្រខ្មែរ រូបវិទ្យា) និងសម្រាប់ថ្នាក់វិទ្យាសាស្ត្រសង្គម (គណិតវិទ្យា សីលធម៌-ពលរដ្ឋវិជ្ជា)៕