ឃាត់ខ្លួនជនសង្ស័យម្នាក់ ករណីហិង្សាដោយចេតនា លើជនរងគ្រោះម្នាក់
ខេត្តត្បូងឃ្មុំ: ការិយាល័យផ្សព្វផ្សាយអប់រំ ខេត្តត្បូងឃ្មុំ បានឲ្យដឹងថា កាលពីថ្ងៃសៅរ៍ ទី១៤ ខែធ្នូ ឆ្នាំ២ ០១៩ វេលាម៉ោង៧ និង៣០នាទី កម្លាំងជំនាញ នៃអធិការដ្ឋាននគរបាលស្រុកក្រូចឆ្មារ សហការជា មួយកម្លាំងប៉ុស្តិ៍នគរបាលរដ្ឋបាល ជំនីក ធ្វើការស្រាវជ្រាវឃាត់ខ្លួនជនសង្ស័យម្នាក់ ពាក់ព័ន្ធ និងករណី ហិង្សាដោយចេតនាលើជនរងគ្រោះម្នាក់។
ការិយាល័យផ្សព្វផ្សាយអប់រំ ខេត្តត្បូងឃ្មុំ បានបញ្ជាក់ថា ជនសង្ស័យឈ្មោះនីម ហុងខេង ភេទប្រុស អាយុ២៣ ឆ្នាំ មានទីលំនៅភូមិព្រែកចំឡាក់ ឃុំកញ្ជរ ស្រុកឆ្លូង ខេត្តក្រចេះ ជាកម្មករលក់ប្រេងស្នាក់នៅភូមិជំ នីក ឃុំជំនីក។ ជនសង្ស័យ បានប្រើហិង្សាដោយចេតនាដែលបានប្រព្រឹត្តលើជនរងគ្រោះឈ្មោះមឿន ដែន ភេទប្រុស អាយុ ២២ឆ្នាំ នៅភូមិក្ដុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ ជាកម្មករលក់ប្រេង នៅភូមិស្វាយដំណាក់ ឃុំជំនីកកាលពីថ្ងៃទី១៤ ខែធ្នូ ឆ្នាំ២០១៩ នៅចំណុចលើដងផ្លូវកន្លែងវេរប្រាក់ (វីង) ស្ថិតនៅភូមិអំពិលឃុំប៉ឹស២ ស្រុកក្រូចឆ្មារ ខេត្តត្បូងឃ្មុំ។
បច្ចុប្បន្ន ជនសង្ស័យ ត្រូវបាននាំខ្លួន មកអធិការដ្ឋាននគរបាលស្រុកក្រូចឆ្មារ និងកសាងសំណុំរឿង បញ្ជូនទៅសាលាដំបូងខេត្តត្បូងឃ្មុំ ចាត់ការតាមនីតិវិធី៕