យកផាវច្នៃដាក់កំប៉ុងត្រីខ ដើម្បីបំផ្ទុះយកត្រី ភ្លាត់ស្នៀត ផ្ទុះដាច់កដៃម្ខាង
ក្រចេះ៖ ស្នងការដ្ឋាននគរបាលខេត្តក្រចេះ បានឲ្យដឹងថា បុរសម្នាក់ បានរងគ្រោះដាច់កដៃខាងស្តាំ ដោយសារបំផ្ទុះផាវ ខណៈដែលជនរងគ្រោះច្នៃដាក់ក្នុងកំប៉ុងត្រីខ នៅពេលយកទៅបំផ្ទុះយកត្រីនៅក្នុងទឹកព្រែកខាងក្រោយភូមិ នៅថ្ងៃកើតហេតុថ្ងៃទី១៦ ខែមីនា ឆ្នាំ២០២០ ជនរងគ្រោះបានទៅបំផ្ទុះយកត្រីម្នាក់ឯងនៅទឹកព្រែក។
នគរបាលមូលដ្ឋាន បានបញ្ជាក់ថា បុរសរងគ្រោះឈ្មោះ រ៉ន ហៀប អាយុ៣៦ឆ្នាំ រស់នៅភូមិសំរ៉ង ឃុំឃ្សឹម ស្រុកស្នួល។ ជនរងគ្រោះក៏បានដុតរំសេវផាវ ដែលដាក់ក្នុងកំប៉ុងត្រីខ តែក៏ផ្ទុះនៅនិងលើដៃ បណ្តាលឲ្យរបួសដាច់កដៃត្រឹមខាងស្តាំ។ បន្ទាប់ពីកើតហេតុ ជនរងគ្រោះ ត្រូវបញ្ជូនសង្គ្រោះនៅមន្ទីរពេទ្យ៕