អគ្គស្នងការនគរបាលជាតិដាក់បទបញ្ជា អោយកងកម្លាំងតាមដានដេីម្បីទប់ស្កាត់ការប្រមូលផ្តុំគ្នាបញ្ជៀសការរីករាលដាលជំងឺកូវីដ១៩ ក្នុងពិធីបុណ្យចូលឆ្នាំខ្មែរខាងមុខនេះ
![]()
ភ្នំពេញ៖ នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានដាក់ចេញ បទបញ្ជាឲ្យកម្លាំងក្រោមឱវាទតាមដាន និងធ្វេីការទប់ស្កាត់ចំពោះការប្រមូកផ្តុំគ្នាជួបជុំរៀបចំកម្មវិធីកំសាន្តបែបប្រពៃណី និងការជួបជុំកំសាន្តសប្បាយតាមទីសាធារណះ ដេីម្បីការរីករាលដាលជំងឺកូវីដ១៩ ដែលកម្ពុជាក៏ដូចជាពិភពលោកទាំងមូលបាននឹងកំពុងប្រឈមនាពេលនេះ។
ក្នុងសេចក្តីណែនាំចុះថ្ងៃទី០៣ មេសា ឆ្នាំ២០២០នេះនាយឧត្តមសេនីយ៍ នេត សាវឿន បានណែនាំឲ្យកងកម្លាំងសហការជាមួហអាជ្ញាធរមូលដ្ឋានក្តាប់អោយបាន ពីវត្តមាន និងស្ថានភាពពលករចំណាកស្រុកដែលវិលត្រឡប់ពីក្រៅប្រទេសដេីម្បីបន្តអប់រំ និងបង្កាការរីករាលដាលជំងឺកូវីដ១៩ តាមការណែនាំរបស់ក្រសួងសុខាភិបាល។
ជាមួយគ្នានេះត្រូវបង្កេីនកិច្ចសហការជាមួយអាជ្ញាធរ និងស្ថាប័នមានសមត្ថកិច្ចគ្រប់ជាន់ថ្នាក់ដេីម្បីដោះស្រាយនូវរាល់សំណូមពររបស់គណះកម្មការប្រយុទ្ធប្រឆាំងនឹងជំងឺកូវីដ១៩ ឲ្យបានទាន់ពេលវេលា ពិសេសដាក់កម្លាំងការពារតាមគោលដៅអាទិភាពដូចជា មណ្ឌលសុខភាព មន្ទីរពេទ្យបង្អែក មន្ទីរពេទ្យ និងគោលដៅដាក់អោយនៅដាច់ដោយឡែកដែលត្រូវបានកំណត់ដោយគណះកម្មការប្រយុទ្ធប្រឆាំងជំងឺកូវីដ១៩ គ្រប់ថ្នាក់។
នាយឧត្តមសេនីយ៍ ក៏បានណែនាំឲ្យត្រៀមកម្លាំងអន្តរាគមន៍ និងមធ្យោបាយ សម្ភារះ សំដៅរួមចំណែកក្នុងការអនុវត្តតាមការណែនាំរបស់រដ្ឋាភិបាលនងស្ថាប័នជំនាញពាក់ព័ន្ធ ក្នុងការទប់ស្កាត់ការរីករាលដាលជំងឺកូវីដ១៩នៅកម្ពុជា៕
